斷食2日去水腫 袁偉豪籲網民：唔使踩得咁盡

袁偉豪（Ben）前晚奪得「最受歡迎新人獎」，他笑言在公司得到第一個音樂獎項，感覺相當得意。提到他以39歲之齡才獲新人獎，可會尷尬？他笑說：「我上年先開始做音樂，名義上都係新人。」日前Ben在網上發千字文，嬲爆反擊網民批評他婚後「走樣」，他前晚說：「我已經嬲完，過咗就無事，但情緒都有少少低落。坦白講我可以唔回覆，但我重視大家嘅評論，已經忍咗三年。」

Ben感覺有部分網民太苛刻：「我又無得罪佢哋，唔想自己屈到唔開心、唔舒服，所以先喺社交網表達意見，大家都有自由，我覺得有時唔使踩得咁盡。」他笑言出席《勁歌》頒獎禮前，特地斷食兩日，他自嘲說：「仲唔驚你話我肥腫呀？」他指太太張寶兒不想他將事件放上心：「老婆叫我加油，但我手多臨瞓前打咗篇文，總之我係重視佢哋（網民）先回應佢哋。」

攝影：林良明