【聲明】港生活網站並無進行電話推廣活動

斷食2日去水腫 袁偉豪籲網民:唔使踩得咁盡

發佈時間: 2021/01/19

袁偉豪(Ben)前晚奪得「最受歡迎新人獎」,他笑言在公司得到第一個音樂獎項,感覺相當得意。提到他以39歲之齡才獲新人獎,可會尷尬?他笑說:「我上年先開始做音樂,名義上都係新人。」日前Ben在網上發千字文,嬲爆反擊網民批評他婚後「走樣」,他前晚說:「我已經嬲完,過咗就無事,但情緒都有少少低落。坦白講我可以唔回覆,但我重視大家嘅評論,已經忍咗三年。」

Ben感覺有部分網民太苛刻:「我又無得罪佢哋,唔想自己屈到唔開心、唔舒服,所以先喺社交網表達意見,大家都有自由,我覺得有時唔使踩得咁盡。」他笑言出席《勁歌》頒獎禮前,特地斷食兩日,他自嘲說:「仲唔驚你話我肥腫呀?」他指太太張寶兒不想他將事件放上心:「老婆叫我加油,但我手多臨瞓前打咗篇文,總之我係重視佢哋(網民)先回應佢哋。」

攝影:林良明

斷食2日去水腫 袁偉豪籲網民:唔使踩得咁盡

袁偉豪感謝老婆張寶兒全力支持。(IG圖片)