承諾多唱廣東歌 莫文蔚望今年開紅館騷

莫文蔚（Karen）憑一曲《呼吸有害》橫掃四台音樂頒獎禮的歌曲大獎，Karen前晚開心說：「我真係發夢都無諗過首歌會咁爆，首歌同劇集《飛虎之雷霆極戰》推出嗰陣我唔喺香港，後來發覺咁多人鍾意，令我想快啲返嚟。」

Karen日後會否多唱劇集主題曲？她說：「呢啲真係可遇不可求，其實最重要係首作品啱我，我今年會做多啲廣東歌，同埋希望喺香港開埋巡迴演唱會最後一站，預計想夏天開，但都視乎疫情而定。」她目前會留港陪伴母親，老公則身在歐洲：「我老公嗰邊疫情都嚴重，不過好彩佢在家工作，我都想老公過嚟香港，始終呢邊感覺安全啲。」

攝影：林良明