胡楓89歲生日 湯盈盈兌現10年承諾

胡楓（修哥）昨日89歲生日，處境劇《愛．回家之開心速遞》演員特別於錄影廠為修哥慶祝，高層樂易玲及曾勵珍亦有出席，相當畀面。修哥表示收工後回家跟仔女、孫兒及曾孫食飯慶祝，他提到生日願望時說︰「最緊要身體健康，仔女同孫個個都平安，所有朋友一切順利。」日前修哥開網上生日P，獲契仔張學友及黎明送上祝福，修哥說︰「我原本以為只係切蛋糕，仲有好多禮物未拆，又收到好多短訊，我都覆唔切，真係好開心。」

同場的湯盈盈表示，十年前她在台慶夜贏得一萬元獎金，當時承諾請修哥飲咖啡，結果十年後她「找數」送上咖啡機賀壽。她說︰「其實當時我見人就會咁講，估唔到修哥咁好記性。」盈盈更透露當年修哥傳授極速順產秘方給她︰「我生B前兩個月開始飲修哥嘅秘方雞湯，順產生兩個女時，分別用一個鐘多啲就搞掂！」

採訪︰Pauline