與MIRROR兄弟過新年 Anson Lo諗定情人節禮物送花姐

人氣爆燈的男團MIRROR，早前不但橫掃三台樂壇頒獎禮，贏得多個獎項，成員Anson Lo（盧瀚霆）更憑跳唱實力成為新人王。當旺的Anson昨日出席Mikiki商場活動，預告農曆年很大機會跟經理人花姐（黃慧君）及MIRROR兄弟共度。提到今年情人節撞正新年，Anson一早諗定利用商場手機APP，屆時準備禮物同大餐送給花姐，相當細心。

Anson Lo昨日與黃芷晴現身Mikiki「Pixar新春潮拜玩樂遊」活動，人紅工作多的他，笑言下月農曆年間要入劇組拍攝，所以多數在工作中度過，但不忘與MIRROR好兄弟及經理人花姐一起歡度新歲兼情人節。工作相當忙碌的Anson，雖然曾在自家YouTube頻道大曬廚藝，但新年期間難免無時間預備情人節大餐給花姐。不過，醒目的Anson一早已想好利用新地商場手機應用程式的外賣自取服務，簡單四步落單後，預定好時間輕鬆返商場取美食，唔使等更順便賺取積分，換領情人節禮品。

推介靚爆打卡位

至於情人節禮物，Anson即席設計及布置玫瑰花束送給花姐，更預備了心意禮物送給神徒（Anson粉絲），適逢今年情人節撞正年初三「赤口」，不少情侶都話怕見面會嘈交，但Anson就拍心口話無問題，更表示情侶之間只要男方願意花多點心思，為另一半設計一個又難忘又好玩的節目，情人節一定sweet爆。

Anson笑言，情人節一定要影甜蜜合照，他推介一眾情侶及神徒，在商場內的Pixar「海底奇兵光影浪漫遊」和「甜絲絲勞蘇愛心世界」布置開心打卡，放上網「閃盲」各方好友。Anson更親身示範，以戀人視覺帶在場記者走到「三眼仔星願扭蛋機」及「3米高胡迪寶貝童話夢」等裝飾，即席擺出多個放閃甫士，可愛又型格！

撰文：娛樂組

攝影：林良明

編輯：李潔盈

美術：梁政敏