19歲參選｜阮兒選港姐不滿被安排著娃娃裙 15年後「諗通」：人哋明明幫咗我

現33歲的阮兒在2006年參選香港小姐比賽，雖然最終落選，卻因此另闢契機參加藝員訓練班入行。日前她接受娛樂新聞台《星光路上》訪問，剖白當年入行經歷。

{{hket:inline-image name="chloe.png"}}{{/hket:inline-image}}

【十八年後的終極告白】阮兒一人分飾兩角助林嘉華搵仔 女團夢碎曾心淡離開娛樂圈 【下一頁】

阮兒在荷蘭出生及長大，爸爸是越南人，媽媽是香港人。她本來在當地修讀珠寶設計，因一次回港見到競選廣告而決意參選。在2006年，她以19歲之齡參加香港小姐，是該屆最年輕參選者，同屆有陳茵媺、周家蔚及呂慧儀。主持提到當年有報道指她曾嫌「戰衣」唔夠靚，指會影響到自己表現，阮兒形容當時的自己是年少無知，「因為我本身講嘢比較直接，當刻的感受都會表露無遺！」

{{hket:inline-image name="83da61df6dea36dc0d1c565aeb203cf0.jpg"}}{{/hket:inline-image}}

她續為當年言論解畫：「當時我最年輕，佢哋畀娃娃裙我著。我喺外國返嚟，心態唔同，梗係想著靚啲！而家先明白，人哋明明幫咗你，(條裙) 可以遮吓你啲缺點。其實想當年我著乜嘢衫都係咁，因為我肥，選港姐時達130多磅！著乜嘢衫都遮唔到。」入行接近15年，阮兒學識婉轉表達意見、沉默的必要性，「性格轉變非常大！」

提到入行後其中的大障礙，從荷蘭返港的阮兒指是講廣東話，「以前講嘢不時中、英夾雜，之後練講嘢時儘量唔講英文，又好似小朋友咁由基本單字學起。入藝員訓練班時同學都會教我中文，希望我講好啲。」

（↓點擊圖片放大↓）

加入TVB頭幾年，演藝工作未有太大突破。另一方面，2011年安排跟林泳淘、周麗欣、羅錦慧、Jasie Ho組成歌唱組合「Lacee Lacey」，可惜組合未出碟便遇上公司倒閉，最終女團遭解散，歌手夢告吹。

{{hket:inline-image name="chloe7.png"}}{{/hket:inline-image}}

兩年後，阮兒重返TVB，做配角拍過不少劇集。直至2019年的《金宵大廈》，她跟尹詩沛演舞女，婀娜多姿惹受關注；在《十八年後的終極告白》演越南華僑，擔起重任一人分飾兩角。之後更有機會主持個人旅遊節目《駕到去歐洲》，資料搜集、寫稿等都由一手包辦！

（↓點擊圖片放大↓）

踩過界II．劇透｜趙希洛演越南華僑苦練口音 「同鄉」阮兒現實真係有越南血統 【下一頁】