職場秘密｜意外發現女上司與老闆秘密 合約員工不獲續約 疑問︰因為見到唔應該見嘅嘢？

意外發現上司秘密，可能會影響仕途。一名港男早前無意間發現女上司與老闆的曖昧短訊，後來又目睹女上司下班時坐對方私家車一起離開；直到合約到期時，他獲女上司告知因預算問題不予續約。惟不久後，事主發現公司再招聘同一職位，不禁懷疑︰「你估係咪因為我見到啲唔應該見到嘅嘢，所以後來冇得續約呢？」

Facebook專頁「辦公室日報」上周六（16日）刊登讀者李維士的投稿，他表示自己是一名合約員工，工作期為上年10月至12月，主要為公司處理郵寄給客人的聖誕及新年產品試用裝，當時公司亦聲稱工作表現良好，有機會轉為長工。

他表示，同事會每日列印一張清單給他執貨﹑包裝及寄貨，有時亦會臨時加件。有一次執完貨準備去郵寄時，女上司就收到短訊，告知事主要「加件」，並遞上電話給他，讓他抄寫資料。然而，正當事主輸入地址時，手機突然傳來一個短訊；由於女上司手機沒有關閉「顯示預覽」功能，所以事主看到訊息來自「Boss」，

「內容唔知係得一句定係我只能夠睇到第一句：『好掛住你呀！』」

事主下意識放低部電話，女上司亦快步過來收走。當時事主亦不以為意，直到半小時後，女上司突然走來跟事主解釋︰「老細想send msg（訊息）畀佢老婆，點知send錯咗畀我，勁搞笑。」事主感到非常奇怪，認為「Boss」不一定代表該公司老闆，惟女上司的解釋似乎越描越黑，

「你咁樣解釋，反而同我證實呢個好掛住你嘅Boss，真係我哋公司個Boss，同埋我做contract，同老細連一句說話都冇講過，你唔講真係唔知老細已婚。」

無奈撞破上司坐老闆車收工

他續指，女上司同樣已婚，工作枱上放在老公和小朋友的相片。雖然發現老闆和女上司的「秘密」，但事主亦不感興趣；惟最巧妙的事，事主有次放工在停車場外的「煙竇」食煙時，目睹女上司登上老闆的車收工，

「最尷尬係阿姐臨上車前見到我，錯愕一秒，隨即向我打招呼，老細就第一次同我講嘢，較低車窗嗌出嚟：『順唔順路呀，我哋都住香港區，香港區啱唔啱？』」

雖然事出突然，但事主仍鎮定且有禮貌地婉拒，表示自己居住葵興，不順路。他在文中揶揄道：「就算我住香港區都唔敢上啦。」

直到合約到期時，女上司告知因為公司預算問題，暫時不與他續約或轉長工，又表示希望將來有機會再合作。事主理解自己是合約員工，因此本來對續約沒有抱太大期望，惟後來發現該公司出招聘廣告，且與他同一職位，讓他不禁懷疑︰

「你估係咪因為我見到啲唔應該見到嘅嘢，所以後來冇得續約呢？」

帖文引起熱議，不少網民取笑女上司的解釋是「此地無銀」，越描越黑：

↓ 點 擊 圖 片 放 大 ↓

逆轉人生｜17歲少女社長戀上牛郎最終破產，流落街頭打散工養獨女，1次偶遇逆轉人生，詳情即睇︰【下一頁】

文章內容獲「辦公室日報」授權轉載。

每朝索取《晴報》：精明生活．健康家庭．開心娛樂

撰文：劉紀瑩