有酒今晚吹︳麥長青難忘天王請飲$1800香檳 醉後失態女兒喊住鬧你死咗點算

麥長青（麥包）上ViuTV節目《有酒今晚吹》做嘉賓，麥包自認愛飲酒，他喝酒模式是第一杯會一飲而盡，第二杯會分三啖，去到第三杯先至會慢慢歎，而這個歎酒方式是當年羅嘉良教他的。講到麥包的「酒腳」，他不得不提1988年無綫劇集《兵權》的同劇拍檔，包括黎明、劉家輝和已故藝人惠天賜：「最記得我成日跟住家輝哥去飲酒，喺清水灣收工後就會去尖沙咀、灣仔飲，連元朗都入埋。有一晚同家輝哥去灣仔飲酒，有個同劇演員攞咗幾支香檳嚟搵我哋，係一人一支咁畀我哋、而請我哋飲酒嗰個就係黎明，後尾唔記得係家輝哥定係導演講我知，佢話黎明支香檳係1800蚊一支，而我當時嘅月薪係3000蚊，多過我人工一半有多呀！」雖然已經是廿多年前的事，但黎天王這支酒，麥包稱是他人生的第一支香檳，亦是飲得最開心的一支。

【有子初長成】麥包囝囝18歲生日被讚有星味 「冇諗過入行由佢自由發揮」【下一頁】

{{hket:inline-image name="02.jpg"}}{{/hket:inline-image}}

麥長青帶埋靚酒上節目，大家估下麥包酒量如何呢？（電視截圖）

愛飲酒難免會有醉酒經歷，麥包表示最大鑊就是飲醉酒險失場：「嗰晚係劇集《義海豪情》嘅慶功，不斷飲白酒、紅酒、威士忌飲，最大件事個酒保係俄羅斯人，啲伏特加係佢自己整，我飲咗三杯，再飲埋敖嘉年自己釀嘅米酒，溝到已經唔知飲過乜。我入完厠所出返嚟知道已經唔得，好彩酒吧樓下係酒店，於是我就租咗一晚酒店房過夜，終於第二朝遲到，打畀導演講唔好意思，遲咗5個鐘先去到，第一次冧到影響到工作。」

節目尾聲要麥包選擇對一個人「酒後懺悔」，麥包的對象竟然是女兒Shannon；他回想起十年前醉酒一幕：「如果要講對唔住，我會向個女道歉，嗰時阿女應該得十歲，記得有次我飲醉酒，嘔得好犀利，返到屋企太太幫我抺臉呀、清潔呀，我個女係睇到晒，第二日我酒醒咗，阿女好歇斯底里喊住同我講：『你想點呀，你飲成咁，你有乜事咁我點呀，你死咗咁我點，喺邊到搵返個老竇呀！』我見到佢咁，我直情驚咗，呢個十歲女仔，喊到眼淚鼻涕乜都齊！」麥包覺得身為爸爸是要為自己行為負責，要愛惜子女，「所以我同自己講，以後唔會亂咁飲酒，要飲都要揀啲好酒先飲。」

（↓點擊圖片放大↓）

撰文：衛紫敏

母親的抉擇︳執屋遇著阿媽件件都話留 蔡楓華卡式帶VS古董衣車掉邊樣？【下一頁】

=========================

晴報MeWe 登場，即刻follow 我地啦：

https://mewe.com/p/skypost