堅離地愛堅離地│黃心穎被爆跟無綫合約超過8年 對白「我冇得翻身」一語成讖

黃心穎自從前年4月發生「安心偷食」事件至今，她的幕前工作停滯不前。

近日不斷有關於她跟無綫合約結束的傳聞，起初有指無綫決定「放生」與她解約，至近日高層樂易玲在訪問中卻透露跟黃心穎的工作合約並不止八年，她表示：「佢心情都ok，咁耐冇見食吓早餐、傾吓偈，關心吓佢，覺得佢開心嘅，有好多朋友關心，佢話有做運動，見到佢都好fit。」對於未來黃心穎的去向，「我都有問佢有乜嘢打算，考慮留抑或離開，我唔係講梗TVB，我係講香港、娛樂圈，佢都話會返去認真諗吓。希望佢唔係意氣用事，我之後會再約佢。」

堅離地愛堅離地｜張振朗首演男一等足3年劇集先出街 有套倉底劇仲誇拍咗20年先播？【下一頁】

{{hket:inline-image name="20478687_493411010993680_4717545262782873600_n_600_600.jpg"}}{{/hket:inline-image}}

{{hket:inline-image name="800_4bc3ab7b9b9130218f45589b3c18dcd5saasftp20200221.jpg"}}{{/hket:inline-image}}

{{hket:inline-image name="800_73dd293b2d2a861813239a386ca49a87saasftp20200221.jpg"}}{{/hket:inline-image}}

有傳黃心穎有8年綁死的長約，樂易玲代為澄清：「當時佢係公司力捧嘅花旦之一，都簽咗好耐，冇數過幾多年，但一定唔會少過嗰個數（8年）。 」

黃心穎能否再現幕前仍然是未知之數，而她在「出事」前拍下的劇集已經全部播出，《堅離地愛堅離地》是其最後一部「倉底劇」，今個星期日亦會播出大結局。跟以往不同，《牛下女高音》推出時，黃心穎都有盡力在自己的社交平台宣傳，不過今次《堅》劇出街她就隻字不提，似乎不想為劇集宣傳。

（↓點擊圖片放大↓）

【幾時結婚問馬國明？】湯洛雯暗示IG被黃心穎Unfollow 「我唔會話大家唔係朋友」【下一頁】

《堅離地愛堅離地》昨晚播出的一集，黃心穎飾演的網紅Tinker安排於活動上跟另一年輕網紅MiMi（楊嘉欣飾）一齊卸妝，Tinker不斷被對方整蠱，粗暴卸妝下變花面貓。Tinker將計就計，打算用苦肉計令網友同情自己，沒想到一直明戀她的傳說哥（丁子朗飾）為其強出頭，更將化妝粉底潑向MiMi，最終網友轉軚指二人大蝦細欺負MiMi！Tinker詭計不成，將所有忿怒發洩在傳說哥身上。

沒想到Tinker這角色3年前的對白，卻成為黃心穎本人的寫照。「我好辛苦先捱到今時今日，啲新人喺後面係咁湧埋嚟，我已經頂得好辛苦，你仲要送我一程？而家出乜嘢post都被人unlike，老闆話如果點擊率再跌，隨時跌出紅人榜，我冇得翻身喇！」

相信黃心穎拍攝此劇時，都沒有想過對白會成為自己人生的寫照，飾演她爺爺的胡楓對白十分貼地，他說：「寧得罪小人，莫得罪網友，呢次你有排煩喇！」

（↓點擊圖片放大↓）

責任編輯：楊安莉