精明消費｜街市買$9300海鮮皇帝蟹奄奄一息 港男換蟹發現輕2斤質疑被騙

街市買餸不時因質量問題發生爭拗，一位港男日前在大埔的街市海鮮檔購買9,300元海鮮，當中包括逾2,800元的皇帝蟹，付款離開後發現皇帝蟹奄奄一息，遂折返要求換貨，未料其後卻發現新蟹輕近2斤，變相被收貴逾千元，故質疑對方做生意不老實。隨後店方現身回應，承認因新員工處理不當引致今次誤會，誰是誰非仍引起網民熱議。

一名港男在周二（19日）Facebook群組「大埔 Tai Po」分享，指周一在大埔某街市的海鮮檔購買9,300元海鮮，當中包括6,460元毛蟹及2,840元的皇帝蟹，取貨時未有留意皇帝蟹是否「生猛」便付款離開，經友人提醒後始檢查，「咪撩吓隻皇帝蟹囉！咦？無咩反應嘅喂？」他隨即折返要求更換。

{{hket:inline-image name="crab.PNG"}}{{/hket:inline-image}}

不論事主如何弄皇帝蟹，牠都沒有反應。（Facebook群組「大埔 Tai Po」影片截圖）

折返要求換蟹  員工：啲蟹拎出水一陣就會咁

事主向負責員工展示皇帝蟹後表示：「隻蟹就死就死咁啵，可唔可以換過隻呀？」當時員工指全店只有一隻，而且「啲蟹拎出水一陣就會咁」，故拒絕換貨要求。事主卻認為，平日小蟹離水仍可生猛走動，買回家仍會用蟹蚶夾人 ; 該皇帝蟹體型巨大，不可能離水一會便死，故堅持要對方更換或退款，並向員工表示：

「若果無第二隻，咁退咗呢隻佢啦，我唔要喇！幾千蚊買番去諗住影吓相先食嘅，畀隻死死吓嘅我。」

事主向海鮮檔負責人反映問題後，對方指是蟹離水後的常態，著他回家「試吓食咗佢先」，雙方經爭論後，店方終答應換貨，員工亦拿出一隻生猛皇帝蟹，事主驚訝問道：「又話得番一隻嘅？點解會拎到第二隻出嚟？」員工則向他稱：「咁唔係得你一個人訂咗㗎嘛，其他人都可以訂嘅！」 

自行磅蟹驚覺輕近兩斤

事主表示，當時曾詢問兩隻蟹重量相差多少，需否補回差價，但員工指重量相約。然而，當他途徑街市自行將蟹上磅時，卻發現不足磅，驚呼：

「差成2斤重喎！咁叫差唔多？呢度起碼成千蚊......」

（↓點擊圖片放大↓）

事主馬上聯絡海鮮檔負責人，對方著他返舖並會退回差額，惟他表示已對該店信心全失：

「呃少少都情有可原，成兩斤幾嘢......我都已經好好禮貌，但換嚟嘅係當我水魚......有無搞錯呀......係唔係大埔友都好，小心檔嘢出你蠱惑啦！」

負責人親自回應認錯

對於今次投訴事件，海鮮檔負責人發文回應，承認因新員工處理不當引起，他指當日自己不在店舖，由新同事負責交收，並收到員工通知事主要求換蟹，惟因海鮮離水後會影響生命力，若掉過、撞過的影響更大，故為保障小店利益拒絕更換。

負責人又稱，後來為了息事寧人才答應更換，其後得知員工沒有查看新蟹重量，便讓事主拿走，他得悉後已立即翻看閉路電視、查看蟹的重量及差額，同時再接獲事主投訴，便叫事主折返，已安排退款及道歉。

（↓點擊圖片放大↓）

負責人表示，店舖已於大埔街市經營幾十年，一直認為誠信最重要，並強調在大埔街市內是第一間全面使用電子磅的店舖，「即使你唔識睇秤，你都可以清楚知道重量同價格，店內更開放CCTV（閉路電視）畀大家監察劏魚嘅水枱，務求做到童叟無欺。」而是次已即時跟進，盼能表達解決問題的誠意，

「呢件事絕對係我哋嘅過失，新同事可能言語造成誤會，處理呢件事缺乏經驗，絕對難辭其咎，所以在此向事主再一次說聲抱歉！」

網民反應兩極

事件引起網民兩極反應，有人大讚負責人有承擔，「起碼出聲，肯承擔」、「一場誤會，大家態度好來好去，冇事啦」；另有人認為負責人把責任推在員工身上，「通常做咗衰嘢都喺賴新員工唔熟架步」、「希望你哋畀機會新同事，邊個一入行識晒所有事？都係邊學邊做」。

好奶奶陪坐月親自餵飯煲湯 新抱列10大貼心之舉：比我媽還好，詳情即睇：【下一頁】

每朝索取《晴報》：精明生活．健康家庭．開心娛樂