惡頂劣客｜被暴躁客爆粗辱罵「有冇中五畢業」 商場女客服為養家拭淚繼續掛笑臉

香港一向被譏為「投訴之都」，服務業工作者不時要面對較為「難頂」的顧客。日前一名商場客戶服務員網上訴苦，指其年輕女同事為處理小朋友走失事件，被一名男顧客發惡指罵其「手腳慢」，甚至人身攻擊稱「一世都只可以做呢啲商場工，有冇中五畢業呀你？」事後女同事委屈落淚，卻又立即收拾心情面對其他客人，令事主不禁感慨各行各業的人都應該要多體諒別人的難處。

Facebook專頁「辦公室日報」日前刊登女讀者Sharon的投稿，她分享與一名年輕女同事在商場顧客服務櫃枱工作期間，對方所遭受的心酸事。事主指一般情況下，櫃枱會有兩位同事，足以同時應付兩位客人；惟當日卻遇到各種突發事情，包括有顧客報失銀包，另一邊廂又要處理小朋友走失事件，令二人忙得不可開交。

事主又指事項處理程序繁複，「要抄低好多資料，問好多嘢」，年輕女同事又要安慰走失兒子的家長，「身兼多職」，令等候隊伍越來越長。直至解決兩大難題後，後面的客人已開始「畀面色佢睇」，當中甚至有一名男顧客對女同事發火，「爆粗」狂罵：

「打分咁簡單嘅工都做唔掂，撳吓停車場飛，人哋問路就答，呢啲嘢有幾難做呀？咁嘅XX工都做到手騰腳震，你點做大事？你一世都只可以做呢啲商場XX工，你讀咁多書咪嘥晒啲錢？有冇中五畢業呀你？」

雖然當時有職位較高的同事前來向男顧客解釋情況，惟對方卻繼續將怒火發洩在女同事身上：

「你永遠做唔到大事㗎我同你講，我唔想理你頭先搞乜鬼，手腳慢就手腳慢，你份工大把時間咋，我等住你撳張停車場飛去見客㗎！遲咗你賠唔起！」

女同事默默拭淚 繼續工作

男顧客的說話引起圍觀，直至對方走後，被罵的女同事終於忍不住掉淚，卻又隨即拭乾淚水，繼續以專業的態度接待下一位顧客。事主見狀亦只好輕掃女同事背脊以示安慰，又表示其他在隊中久候的顧客都「黑口黑面」。

事後，另一名男同事對著該名女同事說她太懦弱，又訓斥她不應啞忍，「要鬧返轉頭，最多咪唔撈」。但事主並不同意，認為這男同事只在自己角度去批評別人，行徑其實與該名暴燥男顧客並無二致。事主又解釋，年輕女同事罵不還口其實有苦衷：

「佢屋企係單親家庭，媽媽手部勞損暫時返唔到工，有個細佬讀中學，而家小妹妹已經係全家嘅經濟支柱。疫情兼年尾絕對唔容易，想跳出去唔係一時三刻嘅事，佢冇咁好命可以唞下先，生活逼人，逼迫埋佢一家人。」

最後事主呼籲大家應多體諒他人，每個人都有自己的難處和故事，應該少些指指點點。帖文引起網民熱議，紛紛批評各行各業都應該要互相尊重，又鼓勵涉事的年輕女同事要加油：

↓ 點 擊 圖 片 放 大 ↓

三分鐵熱度｜看低紥鐵工以為輕鬆 港男豪言做3個月賺10萬 終做1日即辭職：鐵又重又曬，詳情即睇：【下一頁】

文章內容獲「辦公室日報」授權轉載。

每朝索取《晴報》：精明生活．健康家庭．開心娛樂

撰文：林幸琦