楊恭如47歲拍新劇激似陳秀珠 網民讚15年如一日:冇整到變晒樣

由導演李木戈執導，新晉演員陳星旭與彭小苒，及資深演員羅嘉良、楊恭如、斯琴高娃等主演的愛情宮鬥劇《東宮》，將於1月27日 (星期三) 晚上9時30分於免費電視77台香港開電視首播。《東宮》改編自作家匪我思存同名小說，於2019年新浪影視綜盛典獲「年度十大劇集」，在2019 bilibili年度影視榜亦獲「焦點劇集」第二位。

{{hket:inline-image name="6.jpg"}}{{/hket:inline-image}}

《東宮》斥資2億人民幣拍攝，劇集遠赴敦煌、灞上拍攝沙漠外景 ; 演員大多是親身上陣，拍攝騎馬奔騰嘅特寫真實感大增。香港開電視版本，安排香港歌手黃進林@DisCover主唱、郭俊德@DisCover作曲、蘆儀填詞及葉崇恩編曲，主題曲名叫《錯過你》。

有最美亞姐之稱嘅楊恭如自2001年開始再冇再喺香港拍攝電視劇，香港觀眾要喺電視機見到佢都唔係咁容易！即將有新劇播出唔少人非常期待，仲喺網上引起咗唔少討論添！

（↓點擊放大圖片↓）

有人翻出楊恭如前年上內地美容節目時嘅片段，大讚佢keep得好，又指非常欣賞佢冇喺面上加工，完全認得出佢係22年前《我和殭屍有個約會》嘅王珍珍，有留言大讚「起碼冇整到變晒樣！」、「好過嗰啲filter到鬼五馬六嘅藝人」、「佢呢種靚係屬於佢而家呢個年紀」等等。

{{hket:inline-image name="t01c68ddcb54c0f6842.jpg"}}{{/hket:inline-image}}

睇落而家嘅佢仲有啲似同樣係選美出身嘅陳秀珠，楊恭如喺節目上分享自己嘅駐顏術，除咗會卸妝卸得好徹底同兩至三日敷吓面膜呢啲基本嘢之外，仲話最重要係「過自己想過的生活」，指好多人都喺一個自己唔鍾意嘅環境下生活，生活好大壓力 ; 活喺一個自己喜歡嘅狀態，就係佢成為一個「精緻」女人嘅心得嘞！大家收到未？