被問買樓寫女友名李日朗搞笑「腰斬」訪問

李日朗（Don）與女友黃靜藍昨日以格仔情侶裝出席活動，原來Don純粹現身支持女友︰「今次係女友第一個主持嘅節目，所以嚟支持佢。女友今日（昨日）熨好衫掛喺廳，拍拖三年我第一次有咁嘅待遇。」不過Don表示他們沒有同居︰「女友當咗我屋企係staycation，整亂晒啲嘢就走，我係執屋阿叔！我哋有傾過結婚，有需要先買樓。」買樓寫女友名？Don即搞笑說︰「唔對路，訪問要腰斬喇！」相反黃靜藍揚言自己買樓會寫Don名字，Don講笑說︰「所以我全力支持女朋友，買到樓寫邊個名都無所謂啦！」