【聲明】港生活網站並無進行電話推廣活動

撇鄭衍峰 密會富貴西裝男「新歡」歎意菜 馮盈盈急落閘︰請教投資意見順便食飯

發佈時間: 2021/01/21

馮盈盈被傳與大隻主播鄭衍峰分手,不過異性緣甚旺的她,日前被拍到與西裝男在中環意大利餐廳歎午餐,有指二人埋單最少要花3,000港元,懷疑盈盈已極速換畫。昨午她回應《晴報》時,強調男方僅屬普通朋友︰「我向佢請教投資意見,順便食飯啫!二人限聚令下一定係撑枱腳!」

現年26歲的盈盈近年在無綫極速上位,除了劇接劇,更為多個大騷擔任司儀。但她的緋聞與是非亦停不了,早前盛傳因她不肯公開與鄭衍峰的戀情,二人在電視城「吵大鑊」,令不足一年的地下情正式告終。不過,貴為16年港姐冠軍的盈盈樣靚身材正,分手後也不愁寂寞,昨日有傳媒爆出盈盈上周四與一名鬍鬚西裝男在中環高級意大利餐廳食晏,有指該餐廳午餐的人均消費高達1,500元,盈盈與男伴食足兩小時兼言談甚歡,男方埋單後,二人才前後腳離去。

擔心影響友人追女仔

對於結識西裝男「新歡」,盈盈昨午回應︰「只係普通朋友,我向佢請教投資意見,順便食飯啫,係討論完公事先閒談咗幾句,只係爆料者無偷拍到前面,誤導了大家。」她強調與對方食午飯僅屬正常社交︰「限聚令只准兩人一枱,依家出去食飯都一定係撑枱腳啦,大家毋須大驚小怪,見面食個飯都要講到係新歡?其實有無考慮過我朋友感受?我隨時拉低佢可發展對象嘅平均質素,影響到我朋友個market,佢又不是圈內人士,希望大家講我好喇,請不要再打擾到佢!」

鄭衍峰承認狂請女方食飯

盈盈的緋聞舊愛鄭衍峰昨日在電視城出席活動,對於盈盈與西裝男食富貴午餐,他回應︰「食飯正常啫!(西裝男請客?)我唔知,靚女有人請食飯好正常,係正常社交!可能我都會請女仔食飯!(你會請盈盈食夠3,000元?)可能喺電視城飯堂食咗百幾200餐,加埋都有(3,000元),開工時請食飯都正常!(盈盈有否告知西裝男是誰?)我真係未睇報道,身為朋友都唔會講今日同邊個食飯啦!」

談及有傳二人在電視城因戀情問題吵架而驚動高層,鄭衍峰否認︰「真係無,正常都唔會喺公司嗌交!」他表示目前正拍攝行山節目,可會相約盈盈行山?他回應︰「盈盈好懶,加上大家都忙,我要開工,佢又要拍《天天開運王》!」

撰文︰Steven

採訪︰Pauline

攝影︰林良明(部分)

編輯︰李潔盈

美術︰梁政敏

撇鄭衍峰 密會富貴西裝男「新歡」歎意菜 馮盈盈急落閘︰請教投資意見順便食飯

馮盈盈(右二)與陸浩明在前晚播出的《煮場爭霸》任嘉賓。(網上截圖)

撇鄭衍峰 密會富貴西裝男「新歡」歎意菜 馮盈盈急落閘︰請教投資意見順便食飯

鄭衍峰昨日現身時風騷曬肌,未受盈盈緋聞影響。

撇鄭衍峰 密會富貴西裝男「新歡」歎意菜 馮盈盈急落閘︰請教投資意見順便食飯

鄭衍峰昨日現身時風騷曬肌,未受盈盈緋聞影響。

撇鄭衍峰 密會富貴西裝男「新歡」歎意菜 馮盈盈急落閘︰請教投資意見順便食飯

盈盈舊愛鍾文浩將在本月尾結婚。(資料圖片)

撇鄭衍峰 密會富貴西裝男「新歡」歎意菜 馮盈盈急落閘︰請教投資意見順便食飯

盈盈擅長玩社交網,更進軍YouTube拍片保住高人氣。(資料圖片)

撇鄭衍峰 密會富貴西裝男「新歡」歎意菜 馮盈盈急落閘︰請教投資意見順便食飯

盈盈早前任台慶頒獎禮司儀時胸襲朱敏瀚,似乎特別鍾情大隻仔。(資料圖片)