張致恒激嬲老婆雯雯被發文公審

現年36歲的張致恒（Steven），前年宣布與女粉絲雯雯結婚兼做爸爸，卻被揭曾經一腳踏六船，賤男形象令他的事業直插谷低。不過，雯雯一向支持老公，去年中又誕下細仔天牧，一家四口樂也融融。

向來愛在社交網曬家庭樂的雯雯，昨日忽然在IG「公審」老公，於限時動態打了一大段文字︰「好耐未試過嬲到咁，想將呢樣嘢打出嚟發洩！當你拎住好多嘢，仲要包括電器，其實都只係希望姐姐（女傭）可以出嚟村口幫手拎，到落咗車等咗十分鐘都唔見姐姐，打畀老公（Steven）問，老公同我講『姐姐好忙，所以唔知點樣叫佢出嚟』。」雯雯對老公的回應O嘴，並稱︰「如果我做到嘅都一定會自己做，但當我發覺自己唔可以嘅時候，我只係希望可以有人幫忙，但點解我得到嘅答案係咁樣。」雯雯特別配了心碎圖案，看來Steven要努力學習做一家之主。