【聲明】港生活網站並無進行電話推廣活動

為港人減壓 薛家燕構思網上講鹹濕笑話

發佈時間: 2021/01/21

薛家燕前晚錄影《流行經典50年》,向來是開心果的家燕姐,有感疫情下港人壓力大,正構思開網台節目講笑話。不過她坦言自己聽得最多的是鹹濕笑話,擔心兒童不宜,所以會改為「少少鹹多多趣」的內容,希望紓緩大家的負面情緒。

前晚錄影的一集《流行經典50年》,將獲安排在年初三(下月14日)播出,所以一眾嘉賓及主持都穿上甚有新年氣氛的服飾。早前節目停播接近一個月,薛家燕說:「好多觀眾問節目係咪停咗,其實之前只係遷就劇集大結局而暫停。」適逢年初三撞正情人節,家燕姐笑說:「所以今集邀請幾對情侶同夫婦做嘉賓,我就單獨亮相,就係話畀大家聽『仲有希望』。」情人節已經有人約?她笑答:「嗰日係赤口呀,費事嗌交啦!」

提到疫情下不少港人有負面情緒,家燕姐正構思在網上講笑話娛樂網民:「希望呢個節目可以紓緩大家情緒,我都試過隔離14日,嗰段期間情緒好低落,無得出街,最後都忍唔住喺屋企照化粧set頭扮得靚靚,心情先好啲,所以要做一啲事畀自己支持同鼓勵。」她坦言被女兒潑冷水指笑話「唔夠貨」:「因為好多聽埋聽埋嘅都係鹹濕笑話,我就過濾下,等個笑話無咁鹹濕先可以出街。」

唔擔心馬浚偉打對台

另外,馬浚偉開辦藝術教育中心培育演藝人才,本身開設「家燕媽媽藝術中心」的家燕姐表示相當歡迎:「其實我間學校都做咗十年,發覺小朋友係要好細個就開始栽培,唔一定要捧明星,我辦學都係想小朋友唔好埋沒天份,仲會教佢哋做人嘅道理。」

採訪︰Pauline

攝影︰林良明

編輯:李潔盈

美術:梁政敏

為港人減壓 薛家燕構思網上講鹹濕笑話

馬浚偉前日正式開設藝術教育中心,邀得羅冠蘭(左)及羅乃萱擔任顧問。

為港人減壓 薛家燕構思網上講鹹濕笑話

海俊傑前晚擔任表演嘉賓,透露在新版《十月初五的月光》演祝君好爸爸。