【聲明】港生活網站並無進行電話推廣活動

謝嘉怡愛犬「移民」香港團聚

發佈時間: 2021/01/21

應屆港姐三甲謝嘉怡、陳楨怡及郭柏妍,前晚於電視城為《慈善星輝仁濟夜》綵排,三人當晚以環形道具表演雜技,她們笑言表演看來簡單,其實有一定難度。玩八字環的郭柏妍說:「開頭以為用手指力,點知手臂都要用力,個環都幾重。」陳楨怡則笑說:「練習完感覺似做咗十分鐘平板支撑咁,都有拎道具返屋企練。」謝嘉怡亦說:「我暫時未試過失手,不過喺屋企練習時差啲整親狗狗,好彩無事。」她們擔心正式表演時失手,陳楨怡更諗定辦法執生:「我要一邊耍一邊跳舞,如果失手會即刻擺甫士,或者繼續跳舞。」

另外,提到謝嘉怡的兩隻愛犬日前從英國「移民」來港團聚,她開心說:「之前幾個月收工返到屋企,都無人等我,呢個星期開始日日返屋企,見到狗狗等我真係好開心。」她透露兩隻愛犬於倫敦搭長途機來港:「我嗰日擔心到瞓唔着,好彩狗狗到咗香港後,好快已經習慣。」

採訪:Pauline

攝影:林良明

謝嘉怡愛犬「移民」香港團聚

謝嘉怡的斑點狗現已九歲大。(IG圖片)

謝嘉怡愛犬「移民」香港團聚

(左起)郭柏妍、謝嘉怡及陳楨怡前晚落力練習。