Think Big︳陳展鵬自爆小三仲會瀨尿濕床 愛女小豬比皺眉頭學邊個？

已為人父的陳展鵬現身兒童節目《Think Big天地》接受周奕瑋及小主持黃芷晴訪問，芷晴對小時候的展鵬哥哥很感興趣，她說每個小朋友都有被同學改花名的經歷，問展鵬哥哥小時候的名花是甚麼，展鵬表示：「我細個時同學叫我『盧海鵬』，因為我個名有個鵬字，我哋細個嘅年代睇電視，睇《歡樂今宵》都會見到鵬哥。」展鵬和蕭正楠是小學同學，要是時光能倒流，展鵬見到當年的蕭正楠同學，會最想做甚麼呢？展鵬表示當年同阿蕭同級不同班，但大家都知道彼此的存在：「我會請蕭同學食雪條，因為小朋友小息最緊要係買嘢食，如果早知我哋而家咁好朋友，我就一早請佢食嘢，等佢記住我啦！」被問到如果見番小時候嘅自己時，展鵬竟然自爆瘀事：「我會叫自己夜晚唔好再瀨尿，因為小學時嘅我仲會瀨尿，係呀，瀨到二、三年班呀！」

{{hket:inline-image name="02.jpg"}}{{/hket:inline-image}}

陳展鵬在節目分享做了爸爸後的轉變。（圖片：電視截圖）

{{hket:inline-image name="03.jpg"}}{{/hket:inline-image}}

陳展鵬竟然喺節目中自揭童年瘀事。（圖片：電視截圖）

以前的展鵬又可有幻想自己當爸爸後的模樣？他坦言沒有諗過：「你問我有咗小朋友嘅心態係點，有段時期對住小豬比，未有一種我係你爸爸、又或者親生骨肉嘅感覺，我都要去慢慢適應，需要一啲過程；而家小豬比１歲幾，佢識得叫爸爸，又識得走來走去，我嘅感覺又唔同咗，開始真係感受到骨肉相連，佢痛嘅話，我又會痛嘅感覺。」小豬比漸漸成長，身為父母都要檢視自己的行為，因為小朋友開始「有樣學樣」。展鵬說：「小豬比大概1歲時，我哋發覺佢成日皺眉頭，尤其是換片嘅時候，我覺得奇怪，於是留意太太同工人姐姐，睇吓會唔會喺幫佢換片時太緊張皺眉，我同太太講，換片時留意自己個樣，就算好緊張都唔好表現出嚟，之後過咗一段時間，小豬比真係冇再皺眉頭。」

姜麗文自小跟爸爸秦沛情信聯繫 難忘當日本藝人連如廁都有禁忌 【下一頁】

展鵬經過這件事，領悟出一個道理，「教小朋友要先改造自己，當然家長係好想小朋友學習得最多，但邊個時間最適合(學習)？我發覺小豬比喺開心時會自己亂咁講嘢，會講好多單字，所以我會趁佢開心時教佢講唔同嘅字，當你搵啱佢嘅Timing去教，就會事半功倍。」

（↓點擊圖片放大↓）

撰文：衛紫敏

結婚13年︳蔡少芬插到滿臉針為美顏？張晉拖老婆街頭浪漫放閃賀周年 【下一頁】