父母職責│只顧打麻雀懶理女兒被非禮 港媽長大留陰影怨母親不負責任

教育子女父母責任重大，不可敷衍了事。近日一名港媽在網上討論區表示，小時候母親只顧打麻雀，長期忽略家人，就連自己與其他男孩子玩耍時被對方非禮，母親也矇懵然不知。她坦言童年被侵犯的經歷至少仍未能釋懷，又指自己如今已為人母，才驚覺母親當年的不負責任，「做咗媽媽，先發覺自己阿媽好不負責任︷」

該名港媽前日（19日）在「親子王國」討論區以「做咗媽媽，先發覺自己阿媽好不負責任」為題發文，分享兒時不快經歷。她指，母親生於1960年代，婚後為全職家庭主婦；小時候母親只顧和朋友打麻雀，更稱「麻雀能醫百病」，其朋友均是喜歡打麻雀的主婦。

不知女兒被男孩非禮

港媽表示，母親有時會帶自己及弟弟到朋友家打麻雀，大人圍在桌邊打牌，小朋友則自成一角玩耍，形容對方「打牌打到小朋友玩乜嘢都唔理」。她透露，當時就讀初小的異性朋友已經對性好奇，並會對女生作出猥褻行為，對方除了會對自己「摸手摸腳」，更曾要求她脫下褲子觸摸其私處；惟母親卻只顧打麻雀，對此事懵然不知，「阿媽都唔知，或者佢知而唔理？」

她表示，雖然事件已過去多年，但兒時的不快經歷，令自己留下陰影，

「其實好險，而家諗返起，真係有機會畀啲男仔食咗（侵犯）都唔知乜嘢事，啲男仔摸手摸腳令我好有陰影，而家大咗都唔能夠釋懷！」

為打麻雀忽視家人

港媽續指，母親為了打麻雀，長期冷待丈夫及子女。她指就讀小學三、四年級時，母親有時會獨留自己及弟弟在家中，自顧自到朋友家打麻雀，且從來不會煮早、午餐，他們只能外出用膳。假日時，母親會回到圍村娘家，將子女帶到親戚家中暫托後，便會到村內朋友家中打牌。港媽慨嘆，父親長期被母親忽略，自己小時候亦鮮有機會與他相處，成為人生一大遺憾，

「我爸又好早去咗賣鹹鴨蛋，細時我哋好少時間同爸爸相處，兩父女無乜嘢相處過都係一個遺憾。」

另一方面，港媽指雖然母親未有盡責，但對方會在物質上滿足自己，

「讀中學時，有次我亂噏話想戴頸鍊，第二日放學，我阿媽當然係去咗打牌唔喺屋企啦，但我見到飯枱上放咗一個金舖嘅盒，打開一睇，係一條有配咗鑽石吊墜嘅頸鍊。」

偷取家屬金錢

她稱，當年母親每月有9,000元作家用，理應足夠供日常使費，但對方曾因打麻雀輸錢，而偷取家人的金錢：

「我見過阿媽喺我太婆枕頭底摷嘢。以前細唔知佢做乜嘢，而家大個我諗返起就知佢當時係做緊......」

她透露，6、7年前無意中發現母親申請破產，原來她和朋友在澳門賭場賭輸錢，欠下一筆巨債，不禁直言：「有時對住佢都好心悒。」

不希望女兒步後塵

港媽表示，當自己成為媽媽後，會緊著子女的一切，始發現母親當年並不是一名負責任的媽媽：

「以前未生小朋友時覺得好多阿媽都係咁（因為我媽啲朋友都係咁），而家先發覺我阿媽其實好唔負責任。」

雖然童年長期受母親冷待，但港媽仍感恩對方的養育之恩，成年後每個月都會給母親家用，結婚生子後亦不減一分一毫，每周亦會陪母親飲茶，自覺是一名「孝順女」，「佢啲朋友個個都話佢個女乖，佢喺朋友面前好有face（面子）㗎」。

而童年的不愉快經歷，亦令港媽時刻警惕自己不能步母親後塵，同時反思要如何成為一位好母親；另一方面，其母親亦自知「爛賭」影響家庭，不希望女兒犯相同的錯誤，

「其實我媽佢自己都知自己爛賭係唔啱，所以佢從來無教我打麻雀，我諗佢都唔想我變成佢咁。」

網民：上一代就係咁

帖文引起網民熱議，有網民指上一代父母普遍都以「放養」方式管教子女，閒時忙於打牌賭馬，難以與現今的教育方式作比較：

（↓ 點擊圖片放大 ↓）

不過亦有網民認為，不能因普遍而合理化上一代錯誤的教育方法，現今父母應要從中汲取教訓，以免重蹈覆轍：

（↓ 點擊圖片放大 ↓）

見女兒餵人奶不迴避想旁觀，港媽列父親10大罪狀忍無可忍，詳情即睇：【下一頁】

每朝索取《晴報》：精明生活．健康家庭．開心娛樂