《東張西望》女主持│林希靈推出三「糕」殺入飲食界 情侶檔靠口碑成功狂賣幾千底

《東張西望》外景主持林希靈除了平日勇字當頭採訪不少社會個案外，也在節目中經常攀山涉水，帶觀眾去香港不同的地方玩樂，呈現愛運動、注重健康的一面。雖然疫情之下，大家外出必須戴上口罩，加上限聚令等，不少戶外的拍攝都減少，不過希靈一向諗頭多多，她近來夥拍米芝蓮大廚陳國強合開設品牌「口張開」，頭炮推出特別研發的三款賀年糕點，包括日本大根蘿蔔糕、有機紅菜頭馬蹄糕及椰香奶黃年糕，希望發個新年財之餘，更能推廣健康飲食。

《東張西望》林希靈試ABC果汁減肥醫好便秘 「最誇張一星期只係去到一次」【下一頁】

{{hket:inline-image name="TUING2_600.jpg"}}{{/hket:inline-image}}

{{hket:inline-image name="TUNG5_600.jpg"}}{{/hket:inline-image}}

{{hket:inline-image name="133173885_245563913593316_1943417855195933306_n.jpg"}}{{/hket:inline-image}}

林希靈和男友陳安立將糕點分別帶到《東張》同ViuTV同事試食，大家都食得好開心，似乎他們的研發非常成功。林希靈接受《晴報》電話訪問，她表示跟陳國強大廚多年前的認識，「啱啱加入TVB時，被安排入兒童節目，公司想我學做主持，所以開咗個節目《大廚教室@南海》搵我主持，當時同陳國強師傅認識咗，個節目由10集變咗做足兩年幾，所以我哋成為好朋友。」他們認識的這5至6年間，經常都食飯見面，又希望在飲食方面多合作。希靈透露陳師傅每年新年都會自製賀年糕點給她食，非常有福，她希望將這個福氣都跟大家分享，於是跟師傅商量一齊開設品牌。「個概念係希望大家食到自己友嘅感覺，好似屋企人為你整嘅口味一樣。」

希靈表示品牌用上盛的食材，空運來港的大根蘿蔔以及有機農場的紅菜頭，成本高之餘，亦非常花功夫，她說：「我都親身落過田摘紅菜頭，人手去揸汁，半個鐘內一定要用，唔係就會氧化變色，所以好花功夫。我都有諗過幫手，不過師傅都係叫我算吧啦！」

(↓點擊放大圖片↓)

《東張西望》主持大膽追訪白田邨露械老伯 林希靈細細粒原來係運動健將？【下一頁】

希靈表示產品宣傳工作開始短短日子，已經賣出幾千底糕，成績非常之好，她說：「由於成立品牌都花咗唔少錢，加上食材、人手等等，希望先打個和，往後我哋會再努力，推出薑醋或者糭，陸續會有好介紹。」問到是否跟陳安立「情侶檔」一齊賺錢，她尷尬笑笑口說：「都可以咁講嘅，因為我嘅緣故，佢都認識陳師傅，大家都想搞到呢個品牌，希望大家嘅朋友同粉絲都會支持。」

陳安立爸爸是香港保釣人士之一的陳毓祥，當年陳安立只有8歲，在媽媽照顧之下成長，陳安立長大後加入演藝圈，先後在nowTV和ViuTV擔任主持和大騷司儀的工作。

(↓點擊放大圖片↓)

責任編輯：楊安莉