霍啟剛盼子女能回校上課

霍啟剛昨日出席謝曉瑩的新書發布會，提到疫情之下如何安排三名子女的活動，他說：「身為家長，就係每日喺屋企陪小朋友用Zoom上堂，不過呢個情況太太（郭晶晶）做得比較多，雖然小朋友無嗌悶，但係我都希望佢哋可以正常返學校上課，除咗學習知識之外，都要學習同其他小朋友相處。」

霍啟剛日前在社交網呼籲政府放寬球場限制，他說：「其實最慘係限聚令咁樣拖落去，好多體育同文化活動都唔敢計劃，今年大家都好辛苦，我都會聽取業界意見，再向政府有關方面提出正面意見，希望政府接納。」