【聲明】港生活網站並無進行電話推廣活動

伍詠薇「真空」開Live教護膚變放閃騷

發佈時間: 2021/01/22

伍詠薇(伍姑娘)前晚在FB開live分享保養心得,短短幾分鐘已勁吸高達1,600人收看。伍姑娘一身居家服上陣,胸圍亦無戴,直播期間老公練海棠亂入,多次溫馨提示她不要走光,果然是廿四孝老公。

下月踏入52歲的伍姑娘,無論身材、肌膚都保養得得宜。前晚她開FB live全程素顏示人,身穿超級鬆身居家服的伍姑娘稱︰「喺屋企就係咁casual,我係一個演員,都係一個素人。我無化粧,直播時無得執又無得整白自己,呢個就係我無化粧個樣,大家唔好笑我啦好無?」網友們紛紛讚她是「貼地女神」。

自嘲走光無人想睇

伍姑娘由洗面開始,護膚程序逐一講解,連同手勢或需要注意的細節都有教大家。開live期間,她俯身洗面時幾乎走光,非常驚險。老公練海棠亦忍不住走入洗手間溫馨提示,怕醜的他不敢入鏡,僅輕聲提醒老婆要小心走光。伍姑娘即向網友稱︰「我老公叫我小心走光,放心啦!我有底衫!如果我走光,會唔會有幾百萬人睇?係就正啦!如果我走光,大家掩眼啦!喺屋企梗係唔戴bra bra㗎啦,大家唔好鹹濕!」由於伍姑娘動作較大,網友們與練海棠亦多次提醒,她教完大家護膚保養心得後,也逐一解答網友問題,有網友表示伍姑娘長頭髮比較好看,她即笑言︰「你覺得我長髮靚啲?但我鍾意短頭髮嘛!」她又搞笑叫大家講還講,不要狠批她的素顏就滿足了。

撰文︰Annie

編輯︰Steven

美術︰梁政敏

伍詠薇「真空」開Live教護膚變放閃騷

伍姑娘與老公今年結婚22周年,已是老夫老妻。(資料圖片)