【聲明】港生活網站並無進行電話推廣活動

鄭融拍MV濕身6粒鐘

發佈時間: 2021/01/22

近日鄭融為宣傳新歌《多喝水》接受訪問,自爆拍該MV由朝早11點拍至下午5點,由於有兩個多小時要不停被花灑淋頭,以致雙眼出現紅筋,她更表示︰「我連隱形眼鏡都差啲飛埋出嚟。」

日前鄭融接受TVB娛樂新聞台節目《StarTalk》專訪,今次是鄭融相隔兩年再出新歌。她說︰「《多喝水》是同Dear Jane的Howie第三次合作,首歌除了叫大家飲多啲水之外,其實心靈上都要去補充番,鼓勵大家繼續向前亦要關心自己,再去解決問題。」談到《多喝水》的MV有出浴鏡頭,鄭融坦言最愛沖涼︰「我會好放鬆,拍MV時由朝早11點開始拍到下晝5點,我好享受浸浴,有一下子覺得好正!都唔似做緊嘢!」

樂做教育系歌手

然而,當她拍至下午3時轉為拍淋花灑的鏡頭,水花超過兩個鐘不停沖入眼晴。鄭融說︰「有人問我係咪投入到喊,其實係太長時間淋水搞到對眼出晒紅筋,連隱形眼鏡都差啲飛埋出嚟。」此外,鄭融過去多首作品如《終生學習》、《紅綠燈》等都很有意義,曾獲網友封為「教育系歌手」,她對此稱︰「佢哋好可愛,我自己都唔知,咁多年嚟我嘅粉絲同自己一齊成長,慢慢到今日先可以儲到咁多歌成為系列,希望自己嘅歌令佢哋釋懷,呢個就係我做歌手嘅初心,歌迷鍾意我啲歌、有佢哋嘅鼓勵,係最大嘅推動力。」

撰文︰Steven

編輯︰黃卉彤

美術︰顏玉玲

鄭融拍MV濕身6粒鐘

鄭融在MV中長時間濕身上陣,表現專業。(網上截圖)

鄭融拍MV濕身6粒鐘

鄭融日前現身《勁歌金曲》演繹新作。(網上截圖)