跳出舒適圈｜童星Jacky仔離港到日本工作 告別20年演戲生涯：我會掛住香港

今年22歲，童星出身的「Jacky仔」王樹熹，去年於城市大學媒體與傳播系畢業。日前Jacky仔在社交網表示已飛往日本工作，跳出舒適圈，放棄香港的生活與工作。坦言如適應到日本的生活，想留在當地定居及發展。

{{hket:inline-image name="123723392_10157882224283931_5458860427665700674_o.jpg"}}{{/hket:inline-image}}

Jacky仔在社交網分享在香港機場離港大堂的照片，撰長文表示自己要到日本工作，「初時都係抱著試吓嘅心情去申請，竟然符符碌碌就合格咗。雖然去日本就代表要放棄香港嘅生活同工作，但係最後都下定決心挑戰，去一個似乎熟悉卻唔熟悉嘅地方，跳出自己嘅舒適圈。」

{{hket:inline-image name="123.jpeg"}}{{/hket:inline-image}}

他又提到過往接近20年的演藝生涯，好高興可以與粉絲一齊成長。「今次嘅挑戰雖然唔係向演藝嘅道路發展，但係都係我而家最想嘗試嘅事。我會繼續分享我喺日本嘅經歷同趣事，希望你哋繼續陪著我啦！」又以hashtag表示：「#就係咁 #我會係咁share相 #有心情就拍下片咁 #狂食壽司嘅生活到了 #不過首先係隔離14日 #瘋狂打機 #嚟日本搵我做導遊啦 #我會好掛住香港 #好多人我都約唔切 #我一定會翻返嚟㗎 」

（↓點擊圖片放大↓）

現身在日本的Jacky仔正進行14天隔離，他接受本報訪問時坦言離港去日本工作的決定多得家人的支持與諒解，「一開頭申請都係屋企人鼓勵我去，覺得後生當然要出去闖吓，唔係屋企人嘅話我可能放棄咗：」其實他在大學時已考獲日本語能力試驗的N1級數，表示打算長期留在當地生活，「已經攞咗長期工作簽證，暫時係5年，但係如果適應到嘅都會想長期逗留。」

提到離港最大顧慮，Jacky仔指是要離開家人，以及放棄香港嘅演藝工作。「不過去日本發展一直係我想挑戰嘅事，最後都係決定試吓！」

{{hket:inline-image name="120468753_10157805314813931_7558097942070826735_o.jpg"}}{{/hket:inline-image}}

問他到今次到日本是做甚麼類型的工作，Jacky仔就表示：「是做management trainee，不過公司就比較難透露，日本公司比較著緊。」他又提到14天隔離後要處理住屋、開銀行戶口等事宜，三月才會正式上班。

{{hket:inline-image name="68952365_132843421310883_6699603440026059298_n.jpg"}}{{/hket:inline-image}}

【時光飛逝】童星Jacky仔曬大學畢業相 拍劇經驗豐富 會唔會正式入行？ 【下一頁】