【愛情與麵包】Coffee被嘲「嫁錯郎」老公冇錢買樓 長文霸氣護夫:而家幸福到不得了

林芊妤（Coffee）由當年嘅負評女王搖身一變成為瑜伽女神，教瑜伽班、拍教做運動嘅片及推出自家運動衫等等，吸金力超強！婚後Coffee經常喺社交網站分享老公同囝囝嘅相，相當幸福美滿！事業家庭兩得意，唔少人都好欣賞佢嘅努力對佢「另眼相看」，不過都不時有hater針對Coffee留言，日前就有一位網民狙擊Coffee話佢衣著性感想搵「第二春」，仲「燒」埋佢澳洲籍嘅老公。

{{hket:inline-image name="39e46e11-45f9-49e3-a3d9-aa0e3176535c.jpg"}}{{/hket:inline-image}}

網民mean爆留言：「袋鼠佬（Coffee老公）咁窮，savannah都買唔起（指Coffee一家租屋），女人最怕嫁錯郎。」Coffee力撐老公，回應：「係呀，我同佢一齊同佢結婚，雖然佢唔係香港人無車無樓。但係佢愛我呀，又有穩定職業，唔使我擔心。我同佢一齊日日只有開心笑，從來無傷心過。同埋愛大過一切呀，我有手有腳鍾意自己賺錢自己使，而家男女平等，都證明我唔係鍾意靠男人嘅女人。同埋原來嫁個有錢人就係幸福？嫁畀錢同嫁畀愛情，我選擇愛情因為我有能力自己買麵包，重點我而家幸福到不得了。」Coffee仲向呢位網民「下戰書」，叫佢唔好再delete留言。

{{hket:inline-image name="131950216_1694554514059402_8520374747395189876_n.jpg"}}{{/hket:inline-image}}

尋日Coffee再出Po，除咗反擊呢位網民，更加似係同老公發表愛的宣言：

「如果問我最崇拜最尊重最信任的人是誰？那一定是他。是他的真誠他的單純可愛，令我像活在另一個世界一樣，也是他令我重新相信愛情。雖然他不是最有錢的人，但他對這個家付了最大的責任，令我可以毫無顧忌的向前衝。而他的聰明才智，也彌補了我工作時腦袋的不靈光。在我難過失落時，就算我沒說出口發生甚麼事，他都會有方法令我開懷。當我每次失控時，他都總有辦法把我冷靜下來，他不像以往的男友永遠寵著我，但他教會了我獨立自主。因為他曾經說過『就算有一天我們不能在一起，也希望你也有獨立的能力』他永遠也很堅持自己的想法，活得比誰都瀟灑自在，從來都不被其他人說話影響。他是最好的爸爸，對著兒子他眼中是滿滿的父愛，能嫁給他是我最大的福氣，讓我再次選擇我還是會選他。因為沒有他就不會有今天的我，他是我最強大的後盾，也是我的心理和生活的調劑師，有了他們我甚麼都不怕，所以如果有任何人想誣蔑他，我會義無反顧的跟你對上。」

（↓點擊圖片放大↓）

唔少fans都留言撐佢唔好理人哋閒言閒語，仲話唔小心畀佢閃親，又指見到平日嘅互動都睇得出Coffee老公係一個好老公、好爸爸：「寫得好感動.....你所講的優點，相信好多女生都想找到這樣的一個男人，這些東西都遠遠貴過錢!」

圖片來源：Coffee IG