前女子組合HotCha成員張惠雅（Regen），自從和年紀比她小８歲的台灣男友分手後，一度情傷暴瘦，體重跌至85磅，皮包骨的弱小身軀我見猶憐，但見她努力走出傷痛陰霾，除幕前演出工作外，去年底更膽粗粗在長洲創業開設小店，由裝修到開業Regen都親力親為，將投放在愛情的心思，轉移到新寄託之上。有關注開Regen IG的朋友都會發現，她愛將自己最率性的一面示人，就算個樣幾殘，都一樣會素顏出鏡。不過 ，日前Regen出了一個Post：「如果有一天我突然暴斃請不要驚訝，我已經有呢個覺悟了，晚安。」這番「暴斃論」一出，網民立即大驚，紛紛留言安撫Regen，叫她冷靜，擔心她會做傻事。
Regen經常自拍素顏殘樣放上網分享，感覺有點負能量。（圖片：張惠雅IG）
日前Regen的「暴斃論」一出，網民立即被嚇親。（圖片：張惠雅IG）
【吃掉前男友】Regen自認賤男磁石常被劈腿 難捨姊弟戀慘被封鎖斷聯絡 【下一頁】
為了解Regen的狀況，傳媒紛紛追問Regen身邊好友包括湯怡、Super Girls成員Cheronna以及Regen前隊友張紋嘉（Crystal）。湯怡表示相信Regen只是近來工作太攰，攰到隨時隨地瞓著而已，指她一向用詞誇張，叫大家放心，並表示間中都會到長洲探望Regen。
經過兩日，Regen有感大家被她的驚嚇言論嚇親，終於出Po為「暴斃論」解畫：「暴斃對我嚟講係過勞或者唔知做咩突然瞓低嗰隻，有呢個覺悟，係因為覺得地球都係一個困住靈魂嘅地方，tag下自己首新歌《自由流浪》，我有講過，未完成任務之前係離開唔到地球，同埋我女神湯怡係我第二個阿媽，會照顧住我。至於新聞講嘅其他問候，都係噚日應該係有記者訪問，問舊拍檔我情況，所以呢，噚日係有send過一個message嚟問候嘅，之前我哋真係一直無咩聯絡，大家都無咩問候大家，大家都安好，大家都唔好再問我，或者佢，I am so sick of this。」Regen同時就自己的殘爆素顏相自嘲了幾句：「#至於瘋癲狀態圖嚟講我最近真係癲癲地 #或者係一直都癲而家再癲啲啲咁解」。
而Regen指和舊拍檔「零聯絡」，「零問候」，她回覆《晴報》表示：「有收到佢哋嘅短訊問候，其他嘢唔回覆啦，謝謝。」
（↓點擊圖片放大↓）
- {{hket:inline-image name="AAAA.jpeg"}}{{/hket:inline-image}}
- {{hket:inline-image name="68.jpg"}}{{/hket:inline-image}}
- {{hket:inline-image name="33.jpg"}}{{/hket:inline-image}}
- {{hket:inline-image name="63.jpg"}}{{/hket:inline-image}}
- {{hket:inline-image name="32.jpg"}}{{/hket:inline-image}}
- {{hket:inline-image name="34.jpg"}}{{/hket:inline-image}}
- {{hket:inline-image name="60.jpg"}}{{/hket:inline-image}}
- {{hket:inline-image name="37.jpg"}}{{/hket:inline-image}}
- {{hket:inline-image name="38.jpg"}}{{/hket:inline-image}}
- {{hket:inline-image name="48.jpg"}}{{/hket:inline-image}}
- {{hket:inline-image name="49.jpg"}}{{/hket:inline-image}}
- {{hket:inline-image name="47.jpg"}}{{/hket:inline-image}}
- {{hket:inline-image name="42.jpg"}}{{/hket:inline-image}}
- {{hket:inline-image name="65.jpg"}}{{/hket:inline-image}}
- {{hket:inline-image name="45.JPG"}}{{/hket:inline-image}}
撰文：衛紫敏
《愛回家》樹根同食屎陳師奶重口味玩曖昧 阮浩棕有感演「翻版劉丹」意義深遠 【下一頁】