Stephen．傾│楊思琦撇李泳豪誕女受千夫所指 爆曾被「在位者」傷害:原諒咗佢哋

楊思琦噚日（21日）擔任陳志雲網上節目《Stephen．傾》嘉賓，思琦除咗接受訪問，仲大騷歌喉，而志雲喺節目開始咗冇耐就「發功」，搞喊思琦！

{{hket:inline-image name="140250737_473521143816302_2104607565914876633_n.jpg"}}{{/hket:inline-image}}

（↓點擊圖片放大↓）

思琦透露早前1位舊同學離世，佢忍不住一邊落淚一邊講：「好突然，佢走咗之後，我就收到首《仲夏陽光》(由思琦主唱嘅日劇《夏空》香港版主題曲)，我即刻喊咗出嚟！歌詞就好似講緊我同佢。佢讀書好叻，係一位兒童心理學家，好值得我學習，佢善解人意、細心、有善心及愛心，對任何人都唔會發脾氣，係我一個soulmate！」

不過當話題一轉前度李泳豪時，思琦即態度迴避。對於當年未婚誕女，她說自己諗清諗楚，決定獨力撫養，自言好鍾意小朋友，不會因為其他因素抹殺其生存權利，現時女兒經已經9歲。思琦之後再誕下細仔，但父親身份成謎。唔少對思琦嘅評論都非常負面，佢就指自己而家已經唔再理會，「其實去到呢一刻我已經唔怕人點睇，如果我怕人點睇我生存唔到到而家！」

（↓點擊圖片放大↓）

不過回想誕女飽受外界負評，當年佢非常唔開心，「生完女之後，阿女兩個月時喺美國返香港，我有啲唔開心，所有報章報道，頭條、封面，都係講我點樣差點樣唔好，指責我，嗰時覺得好痛苦，因為我覺得感情冇對錯……讀者、觀眾根本唔知我發生乜嘢事，唔可以用你哋嘅眼光去評論我嘅決定，每個人做嘢都有佢嘅原因，好彩我撐得住。」

佢大爆出當年「有人」做咗傷害佢嘅事情，但對方唔係當時嘅另一半，「嗰段時間嗰啲人做咗一啲嘢（之後有無再見佢？），冇！如果見到面可以打招呼嘅。咁多年之後，其實我已經原諒佢哋對我做過嘅嘢。」思琦指「有人」係當時嘅在位者，不過就唔肯再透露更多嘞！

（↓點擊圖片放大↓）

{{hket:inline-image name="121269296_258167352253710_5186270939754179037_n.jpg"}}{{/hket:inline-image}}

至於細仔爸爸嘅身分，思琦始終都冇洩露半句，不過言談間得知而家思琦都係靠自己一個擔起成頭家。