黃心穎低調慶32歲生日開懷大笑 29+1最熱鬧連走幾場切N個蛋糕

黃心穎因「安心事件」形象破產，被無綫雪藏近兩年嘅佢一直喺演藝工作方面都零收入，早前有指佢想同無綫解除長逾8年嘅合約，不過早前樂易玲在接受訪問時表示有叫黃心穎諗清楚先再作決定。

相關新聞：堅離地愛堅離地│黃心穎被爆跟無綫合約超過8年 對白「我冇得翻身」一語成讖【下一頁】

{{hket:inline-image name="126884930_705120063742089_6218711985696404730_n.jpg"}}{{/hket:inline-image}}

心穎自事件發生後少咗更新佢嘅社交平台，尋日32歲生日嘅有Post出自己慶祝生日嘅相，留言：「 Mad calm, mad focused, and mad happy！ thank you all for the wishes，祝大家繼續mad heathly」睇落好fit嘅心穎透露自己食咗兩件蛋糕，似乎已將煩惱拋諸腦後。

相中嘅心穎笑得非常開懷，見牙唔見眼，不過比起佢兩年前嘅「流水式」Party今年嘅低調慶祝就顯得非常冷清。

（↓點擊圖片放大↓）

未發生「安心事件」前，心穎嘅29+1生日連跑多個活動，除咗有前男友馬國明、當年好姊妹湯洛雯、麥美恩、楊明、莊思明、李霖恩及朱千雪等多位藝人為佢搞校服P，仲有同許志安一班gym友食飯；另外又有同圈外朋友搞「斑點飯局」；《法證先鋒IV》劇組都有為佢慶祝……仲切咗數唔到咁多個餅，可以話係萬千寵愛在一身！而去年就只有3個家姐為佢慶祝生日，今年仲淨係Post獨照，非常低調。

圖片來源：黃心穎IG