蕭正楠與老婆黃翠如經常打情罵俏，最近翠如重拾文青興趣整陶瓷，在社交網分享製作片段，誰知蕭正楠大玩「花式自殺」，質疑翠如打爛杯，換來太太一句「八公」稱呼。蕭正楠前晚提起被翠如責罵，竟然「被虐狂」上身，又冧又開心。
黃翠如日前在IG分享製作陶瓷的短片，她在片中顯得專注又享受，並留言說：「每次整陶瓷，頭髮、衣服、手，都有好多泥。Messy happiness。」但蕭正楠破壞太太的文青氣氛，留言問：「唔通屋企又打爛杯？」翠如即以笑到喊Emoji回覆他說：「八公。」阿蕭前晚出席籌款節目《慈善星輝仁濟夜》時，開心說：「翠如整陶瓷好sweet嘅，佢親手整咗兩隻杯，一隻佢嘅，一隻我嘅。」
阿蕭不忘取笑翠如經常打爛東西：「佢四肢有啲唔協調，行路都仆親，我要飛身扶住佢。」提到被翠如責罵「八公」，他竟說：「聽落甜絲絲，係打者愛也，互相虐待啫！我唔會鬧佢，我係男仔，梗係遷就佢。」另外，早前阿蕭拍飲食節目，因有餐廳員工確診，他被列為緊密接觸者而要隔離，他表示現已重新拍攝節目：「差唔多拍完，我喺鏡頭後即時戴口罩，對稿都會保持社交距離，保障自己同他人。」
郭柏妍拗柴上陣
同場的港姐謝嘉怡、陳楨怡及郭柏妍，前晚聯同《#後生仔傾吓偈》主持游嘉欣等表演雜技舞蹈，郭柏妍說：「我練習時叉錯腳，整親手指同拗柴，有少少腫，但都行到路同表演。」至於謝嘉怡曾在直播節目忘記台詞兼疑似爆粗，不過她前晚完全不擔心講錯話：「今次傾下偈，唔使特登講啲咩。」
撰文︰Pauline
編輯：李潔盈
美術：梁政敏