【聲明】港生活網站並無進行電話推廣活動

聖雅各福群會辦網上VR展覽 重現土瓜灣風景歷史

發佈時間: 2021/01/26

近年好多地方都進行重建,黛安收到風,聖雅各福群會嘅市區重建社區服務隊上周四展開咗《重「見」重「建」--土瓜灣有個展》嘅網上展覽,以虛擬實境(VR)方式展示區內景色同訪問,展期至下個月7日,上佢哋fb專頁就可以睇到喇!

展覽分為「重建」和「重見」兩部分,透過唔同裝置藝術分享老街坊故事,仲可以睇番昔日嘅天台屋、樓梯舖同車房,以及唔同生活用品。聖雅各福群會話,想用展覽顯示重建社區唔止係法律規條同程序,仲包括好多人嘅故事,希望藉今次展覽鼓勵街坊參與市區重建同發展嘅過程,黛安睇完展覽都獲益良多。

聖雅各福群會辦網上VR展覽 重現土瓜灣風景歷史

展覽以一比一比例重現土瓜灣特色樓梯舖。圖為財記百貨店。

撰文: 黛安 消息特靈八卦公關
欄名: 八卦名利場