【聲明】港生活網站並無進行電話推廣活動

醉後踩單車仆崩牙 張惠雅補完牙即去紋身

發佈時間: 2021/01/26

張惠雅(Regen)日前在長洲相約朋友飲酒,飲醉後即興踩單車,誰知炒車仆崩門牙。不過,Regen懶理變崩牙妹,更狂影相放上網,拖足兩日才去補牙變回靚樣。Regen補完牙後立即走去紋身,又搞笑稱整牙比紋身更痛!

張惠雅日前炒車後,連日在網上分享復原情況,崩牙的她搞笑地拍片表演「漏風」式朗誦,又強調臉上的紅印是炒車擦損所致的傷勢,絕非生暗瘡。她受傷後拖足兩日才肯見牙醫,又自爆本來打算等多一日看牙醫,幸好熱心的許廷鏗擔心她的情況,又幫她預約整牙。

Regen上載搭船自拍,又留言說︰「食食下飯見到許醫生(許廷鏗)嘅留言,好感動……當我聽到一個專業人士口中講可能會感染,我真係驚喇,然後就麻煩許醫生幫我預約今日(前日)有開門嘅診所,好專業,真係,佢好錯愕我仲未去整牙但係整咗一日蛋餅,挑戰牙醫嘅底綫,真係好專業。」及後她再po露齒自拍,只見牙齒已回復完整︰「靚靚,係打麻醉針驚到喊咗出嚟,肉酸咗少少。原本半小時完成,補完我要求靚多少少,所以個幾鐘。」

紋狗狗圖案

未驚過的Regen,剛補完牙不久,便立刻忍痛跑去紋身,只見她在右邊鎖骨下方紋了一隻土佐犬,原來是她人生第一個紋身,又表示「好靚好鍾意!」有網民留言問她整牙跟紋身哪一樣較痛楚?Regen秒速回答︰「整牙!」隨後她又試用新相機,上載幾張單人照後,品評說︰「塊面損晒都影到個樣唔錯,陽光很好,部機都好好。」

撰文︰Pauline

編輯︰李潔盈

美術︰梁政敏

醉後踩單車仆崩牙 張惠雅補完牙即去紋身

Regen笑指不少朋友很欣賞她「崩牙妹」的樣子。(資料圖片)

醉後踩單車仆崩牙 張惠雅補完牙即去紋身

Regen對紋身效果十分滿意,表示下次會紋狗狗腳掌圖案。(IG圖片)