39歲朱慧敏嫁陳良貴名醫圓婚 Bob媒人變「外父」拖新娘出場

39歲的朱慧敏前日（1月24日）舉行婚禮，正式下嫁著名心臟科醫生陳良貴（Jason），婚禮在半島酒店半戶外場地舉行，簡單而隆重。由於新冠肺炎疫情的影響下，婚禮只能招待部分的親友，不過「媒人」Bob林盛斌及太太黃乙頤、王賢誌及名媛陳君宜等都有出席。朱慧敏接受《晴報》電話訪問，她表示：「婚禮過程全程都好感動，特別係Bob幫我蓋上頭紗嗰刻，我哋都已經眼濕濕，好溫馨，有種莫名感動。婚禮上用上傳統《婚禮進行曲》做背景音樂，好神聖同莊嚴，我只係著婚紗冇著裙褂，連斟茶環節都是著婚紗進行。由於疫情的關係，成個婚禮約有20名賓客左右。」

黃金人妻︳朱慧敏39歲秘密嫁養和心臟科醫生 Bob通波仔「搭路」用生命做月老？【下一頁】

{{hket:inline-image name="e4353ddc-352f-42fc-b27a-0c36b1ac5954.jpg"}}{{/hket:inline-image}}

問到為何選擇視陳良貴為終生伴侶？朱慧敏說：「我覺得佢好善良、心地好、脾氣好，而且好有醫德。我希望會好好照顧自己，照顧埋老公，咁佢就可以去照顧其他病人。佢係心臟科醫生，經常都會臨急隨傳隨到，我好仰慕佢，亦會全力支持佢事業。」問到當日的「愛的宣言」，朱慧敏將電話直接交畀老公，陳良貴表示：「尊重你，永遠愛錫你！」朱慧敏定必甜在心頭。

他們表示由於疫情的關係，度蜜月之旅相信要後補，目標是去峇厘，因為陳良貴有很多親戚在當地。至於「造人」計劃，朱慧敏說：「呢一、兩年希望先過二人世界，Jason都話ok，順其自然啦！我都會繼續幕前工作，奶奶話好鍾意睇我嘅劇。」

至於撮合一對新人的媒人Bob大方接受《晴報》電話訪問，原來當日朱慧敏要求Bob充當外父的角色，由他牽新娘進場，Bob表示：「新娘子同新郎哥邀請，呢個位多數都係長輩做，我覺得好榮幸，但有啲唔識點做，要幫新娘子蓋頭紗、進場、交隻手畀新郎等等全部都未試過，有少少騰雞咁。其實我全程都眼濕濕，因為真係好感動，我負責拖新娘進場，當時見到Jason已經喊緊，我親自交隻手畀佢，好似外父訓話咁，成件事好感動。而佢哋向我斟茶都好驚喜，大家朋友一場，不過佢哋認為我喺生命中係個重要嘅人，冇我佢哋就唔會相識。」

Bob在台上致辭，他直言希望難忘，事關一向經常做婚禮司儀的他已經很長時間沒有邀約，他說：「我喺台上都講，成年冇試過企喺婚禮台上，我講番佢哋嘅相識經過，見到台下一對新人眼濕濕又喊，睇得出佢哋好愛對方。雖然係我介意，我做咗呢個動作，但條路點行係靠佢哋自己，最終走到結婚呢一步，過去呢一年都唔簡單，希望佢哋同我一樣生多啲小朋友，Jason同Queenie都咁有型又靚，仔女都一定會好靚仔靚女，衷心祝福佢哋。」

朱慧敏勇戰癌症遺傳基因：係媽媽最好嘅禮物【下一頁】

新娘朱慧敏一向視王賢誌是哥哥，所以奉茶都有預他一份。而王賢誌嫁「妹妹」都非常興奮，除了向不在港的老公以視像電話直擊婚禮過程外，更在婚禮場地的布置四處留影，非常開心。

責任編輯：楊安莉