劉家輝傳財困好友樊亦敏報近況「師傅生活安穩 肥咗又精神咗」

年屆65歲的武打明星劉家輝於2011年因中風，導致右邊手腳行動不便及臉癱，妻兒子女爭產反目，前女助手更私吞他過百遇萬財產後走佬，令劉師傅大受打擊，在缺乏親人照顧下，身體虛弱得骨瘦如柴，幸得圈中好友樊亦敏出手相助，幫劉師傅追回財產外，更安排他到療養院休養，令他健康狀況得已改善。

至於近日劉師傅的社交平台上，出現一個新Po，原來是外地Fans為他推出肖像Tee，以劉師傅的經典少林和尚的造型，印製多款名為「Gordon Warrior Monk」Tee，藉此透過購買收益來幫助他。亦因為義賣一事，令人擔心劉師傅是否經濟出現問題，需要籌錢來支持他住療養院及生活開支。

劉家輝中風半身不遂兼面癱 多得樊亦敏出錢出力救命 【下一頁】

{{hket:inline-image name="08.jpeg"}}{{/hket:inline-image}}

劉家輝最新近照，面色紅潤，精神飽滿，大家可以放心啦。（圖片：受訪者提供）

有關劉師傅近況，《晴報》聯絡了其好友樊亦敏，她澄清是誤會一場，「師傅（劉家輝）好多朋友都好有佢心，喺外國嘅Fans有個Group，佢哋自發攞一啲師傅嘅嘢去賣，賣咗嘅錢係畀師傅買嘢食，唔係生活費。佢哋咁做，事前有同我哋講，純粹係一番心意，我都同佢哋講千祈唔好搞乜嘢籌款。」她說以往Fans給師傅的「心意」都會用來帶他去飲茶食飯，但疫情關係已經不能外出，「不過要講清楚，唔係Fans籌咗錢師傅先可以出街，平時我都會帶傅師去飲茶嘅。」外界擔心劉師傅有經濟困難，樊亦敏說：「完全冇問題，師傅用自己手上嘅資源做佢嘅嘢，大家唔使擔心，我照顧咗佢8年，佢而家好安穩過佢嘅復康日子。」

至於劉師傅的健康狀況，樊亦敏大讚院舍的護士照顧很好，令他「肥咗又精神咗」，「佢各樣都好好，冇問題，啲護士成日同傾偈解悶，佢又鍾意睇電視，有電視睇佢就開心。」而她亦代為公布一個喜訊，「師傅想同大家講，佢喺哥本哈根一個影展度，得到『終身成就獎』！原本嗰邊想親自過嚟畀個獎佢，但因為疫情關係嚟唔到，所以個獎寄咗畀我，等我轉交畀師傅。疫情關係，我都唔可以去探佢，透過視像話畀佢聽攞獎，佢笑住擰頭，意思係話『畀個獎佢做乜』，但我睇到佢其實係開心嘅！」

（↓點擊圖片放大↓）

撰文：衛紫敏

​​​​​李香琴出殯︳羅家英阮兆輝苗僑偉扶靈送別 趙希洛Po舊相難忘琴姐送古裝裙 【下一頁】