鄭裕玲自認與梅艷芳「唔熟」 讚對方有義氣：好respect！

鄭裕玲 (Do姐) 不時在電台節目《口水多過浪花》分享當年拍戲經歷，最近她就細說與梅艷芳（梅姐）相處的往事。

{{hket:inline-image name="141992135_236518394629049_7032119646099231881_n.jpg"}}{{/hket:inline-image}}

Do姐提到對方選完新秀後，因為自己擔任主持人的關係，兩人成日都會喺電視台見到面。「唔知係咪佢細個坎坷，佢係一個好懂事嘅人。雖然大家覺得佢好大家姐，佢的確係㗎！我同佢嘅世界係唔同嘅，佢係好鍾意出去，帶埋成大班人開心呀、食嘢呀，玩呀咁樣，係好有義氣嘅一個女子嚟，我好欣賞佢。」

{{hket:inline-image name="mui.jpg"}}{{/hket:inline-image}}

Do姐有個清談節目叫《鄭裕玲星夜傾情》(1992年)，找來不少藝人聊天，更以梅姐為頭炮。她直言同梅姐唔熟，節目前就問對方有冇乜嘢唔問得，「你知嘞，呢行咁大嘅名氣，有時可能問啲嘢，唔高興㗎嘛，而家都有㗎啦！」而梅姐竟然答：「千祈唔好諗呢樣嘢DoDo！呢個節目係你㗎嘛，而且你打頭炮嘛，我上得嚟，我梗係乜嘢都答啦，你而家唔使話畀我聽你問乜嘢，問乜嘢都得！」

Do姐指當時只係知邊個係梅姐，但一啲都唔熟︰「我都話我哋兩個世界，佢去蒲嘅時候，我已經瞓咗，佢好好呀，我覺得係一個冇得頂嘅藝人！我已經好有好感，好respect！」

（↓點擊圖片放大↓）

其實早在1991年，Do姐及梅姐已合作拍電影《賭霸》，Do姐指同對方合作好愉快。又指雖然拍到後段好辛苦，「連踩30個鐘拍到暈」，但好彩劇組有睡袋畀佢哋休息。

（↓點擊圖片放大↓）

Do姐提到，後來梅姐患上子宮頸癌，佢都堅持開演唱會。無綫為佢拍個人特輯，一來宣傳演唱會，二來她想見吓粉絲。Do姐表示：「我差唔多係最後嗰次見佢，特輯做完，我同佢講『梅姐，雖然我同你唔熟，但係我好希望你會戰勝佢，身體健康』。」Do姐大讚對方好有義氣，好熱愛呢一行，「無論係邊個範疇佢都鍾意，唱歌、演戲、演唱會，所以我都好有幸，雖然唔係同佢合作得好多，但係曾經同佢合作過呢套《賭霸》。」

{{hket:inline-image name="do3.jpg"}}{{/hket:inline-image}}

積怨多年？｜鄭裕玲被傳寸爆周星馳紅唔起 開腔反駁讚對方重情念舊 【下一頁】