【聲明】港生活網站並無進行電話推廣活動

咖啡生意勁升4成 馬浚偉:想同陳豪交流心得

發佈時間: 2021/01/27

馬浚偉(馬仔)近年瓣數多多,除了幕前工作,他不但修讀中醫課程,又開藝術教育中心,更創立咖啡品牌,生意在疫市下不跌反升,相當厲害。提到陳豪(阿Mo)同樣打理咖啡生意,馬仔強調彼此絕非競爭對手,反而惺惺相惜,希望疫情後相約阿Mo傾咖啡經。

馬浚偉昨日出席myTV SUPER節目《緣來自咖啡2》記者會,身兼出品人、監製及主持的馬仔,獲無綫高層曾勵珍及樂易玲現身支持,馬仔更即場沖咖啡給珍姐。馬仔表示新一輯節目邀請全女班嘉賓,包括鍾嘉欣、陳少霞及顧美華等。

獲專業咖啡師資格的馬仔,創立網購咖啡生意已兩年,不但早已回本,在疫情下生意額更大幅上升四成。是否與陳豪的生意對撼?馬仔即說:「唔係,咖啡市場好大,我哋做法唔同,阿Mo有實體店,我就主要做網購同咖啡工場。我哋又唔同派別,陳豪由基礎做起,經驗比我多好多,我就讀理論,大家切入點唔同,等疫情之後大家交流下!」若《緣來自咖啡》再拍新一輯,馬仔笑言有意邀請陳豪做嘉賓:「叫阿Mo嚟踢館?都好喎,佢性格好溫和,唔會踩低別人。」

望10年內開有機農場

談到馬仔目前多綫發展,做生意又辦學,不過他透露自己的終極目標,是十年內在港開設有機農場,為自己的退休生活做好準備。另外,馬仔在《緣來自咖啡2》訪問多位女嘉賓,他表示印象最深的是好友鍾嘉欣:「嘉欣拍第一套劇《皆大歡喜》就係同我合作,當時我同佢講『學乜都好,千祈唔好學壞』,佢咁多年都無變過,令我好感動。」

採訪︰Pauline

編輯:李潔盈

美術:梁政敏

咖啡生意勁升4成 馬浚偉:想同陳豪交流心得

陳豪的咖啡生意相當成功。(資料圖片)

咖啡生意勁升4成 馬浚偉:想同陳豪交流心得

馬仔得悉曾勵珍到場,事前特意調配獨有的咖啡粉,再為她沖泡咖啡。