林盛斌媒人變「外父」 朱慧敏嫁名醫︰老公善良心地好

現年39歲的朱慧敏（Queenie）本月初與養和醫院心臟科醫生陳良貴（Jason）入紙申請註冊，原來二人日前已完成婚禮，媒人林盛斌（阿Bob）更化身「外父」陪伴新娘子進場。Queenie昨午接受《晴報》訪問時稱︰「我覺得老公好善良、心地好、脾氣好，奶奶都話好鍾意睇我嘅劇，自己會繼續做幕前！」

日前朱慧敏與Jason在尖沙咀半島酒店舉行婚禮，身為媒人的林盛斌因電台訪問與Jason結緣，並充當媒人撮合Queenie與Jason，二人最終步入教堂。阿Bob獲一對新人邀請，負責帶領新娘子進場，並當上女家主婚人；一向被Queenie視為哥哥的王賢誌，則是一對新人的愛情見證人。榮升陳太的Queenie昨午接受本報電話訪問，透露婚禮全程好感動︰「阿Bob幫我蓋上頭紗嗰刻，我哋都已經眼濕濕，好溫馨，有種莫名嘅感動。」她指因疫情關係，婚禮上只有約20名賓客。

繼續拍劇未急生仔

提到選擇Jason為終生伴侶，Queenie激讚老公︰「佢好善良、心地好、脾氣好，而且好有醫德。我會好好照顧自己，照顧埋老公，咁佢就可以去照顧其他病人。」提到婚禮當日「愛的宣言」，她即將電話交給身旁的老公，Jason立即醒目說︰「尊重你，永遠愛錫你！」這對新婚夫妻果然甜到漏。

談到造人大計，Queenie說︰「呢一、兩年先過二人世界，Jason都話順其自然。我都會繼續幕前工作，奶奶話好鍾意睇我嘅劇！」她又指老公過往曾欣賞自己在處境劇《畢打自己人》的演出，認真癡情。另外，阿Bob接受本報訪問時稱︰「我親自交（Queenie）隻手畀佢（Jason），好似外父訓話咁，好感動。」他又透露一對新人斟茶給他，令他大感驚喜，期望二人早生貴子︰「佢哋認為我係生命中重要嘅人，無我佢哋就唔會相識。」

撰文︰Steven、Pat

編輯︰李潔盈

美術︰梁政敏