【聲明】港生活網站並無進行電話推廣活動

再奪歌曲大獎 莫文蔚開紅館騷答謝粉絲

發佈時間: 2021/01/27

《Yahoo搜尋人氣大獎2020頒獎典禮》日前舉行,許廷鏗(Alfred)、江海迦(AGA)分別奪男、女歌手獎,至於憑《呼吸有害》橫掃四大樂壇頒獎禮的莫文蔚(Karen),獲頒「年度熱搜歌曲獎」,締造大滿貫。

Karen感激歌曲令她回到香港這個家︰「呢段時間輕鬆做自己想做嘅事,見到屋企部鋼琴同琴譜,就拎出嚟彈,我已30年無彈琴!」Karen正炮製全新廣東歌,今年最大任務則是舉行香港演唱會,她說︰「個唱一定令大家目不暇給,我十幾年無喺香港開騷,累積好多想法,驚到時三個鐘唔夠時間擺晒上舞台。」此外,再贏男歌手獎的Alfred感激說:「出道以來,一直得到好多樂迷嘅眷顧。」他表示要以聲音說服人:「要專注唱歌能力或者表演嘅張力,呢啲係歌手嘅基本。」

再奪歌曲大獎 莫文蔚開紅館騷答謝粉絲

許廷鏗過去一年的樂壇成績驕人。