因財失義│張致恒懺悔為表面「大花筒」解釋 周身街數無力償還向朋友們道歉

現年36歲嘅前Boyz成員張致恒（Steven）因為一腳踏多船被全城鬧爆係賤男，令佢嘅演藝事業幾乎玩完！

女粉絲雯雯「排除萬難」同Steven一齊，唔少網民均表示唔睇好，二人結婚後搬到村屋養小動物，仲兩年抱兩，雯雯做全職媽媽再請工人姐姐，一闊三大！合指一算以Steven一人嘅收入支撐屋企生活開支似乎捉襟見肘，唔少人都有疑問佢一家係靠乜嘢支撐！

{{hket:inline-image name="122146999_1002278280277628_1328749336111423441_n.jpg"}}{{/hket:inline-image}}

今日Steven喺佢嘅社交平台再度「懺悔」，生活的確唔多掂：

「早喺一年多前因為自己做錯嘅事而令到自己嘅工作完全停頓，喺嗰陣時完全冇收入，迫於無奈下問咗好多朋友借錢，亦都好感恩有好多朋友出手相助先捱得過一段時間，我亦都試過搵過好多工做過好多唔同嘅行業，因為疫情影響底下被炒過好多次，我有努力工作搵錢希望可以支撐到屋企之餘仲可以還到錢畀朋友，但係而家嘅路實在太難行，工作完嘅收入都唔夠屋企開支，想剩少少錢還畀朋友都唔得，令到有好多朋友都好唔開心，我喺度要同所有借過錢畀我嘅朋友道歉，一直以來我都還唔到錢畀你哋真係對唔住，喺嚟緊嘅日子我一定會盡力去工作還錢畀你哋！」

{{hket:inline-image name="142059576_102247665151307_5727638279627980933_n.jpg"}}{{/hket:inline-image}}

相關新聞：條路自己揀｜張致恒激嬲雯雯被擺上IG公審 老婆做「咕喱」:點解個答案係咁【下一頁】

早前雯雯亦喺IG公審Steven，指拎電器都冇人去村口幫佢手，引來到唔少人質疑佢哋「大花筒」。Steven就指電器都係用電話儲落嚟嘅積分換，「工人係兩年前已經請嘅，兩個仔著嘅都唔係名牌，再加上玩具、衣服好多都係佢哋阿婆同埋一啲朋友買嚟送俾佢哋嘅。至於點解唔搬返觀塘住，係因為阿爸阿媽嗰度係屋邨，而我哋有三隻狗，屋邨唔畀養狗。老婆養呢三隻狗都已經五年以上，如果要搬返去住就唔可以繼續養佢哋，所以先搵咗村屋住！」

（↓點擊圖片放大↓）

Steven最後表示要照顧一個家庭壓力非常之大，佢亦都好努力去重新做人，只係希望大家可以畀啲機會佢同埋畀啲時間佢，一定唔會再令到大家失望！而雯雯就唔知係咪因為「公審」老公引起軒然大波，所以將自己嘅社交平台清空仲set埋做private，唔再好似以前咁同網民互動！