【聲明】港生活網站並無進行電話推廣活動

被爆借錢唔還 Po文呻入不敷支 張致恒認衰︰大家畀啲機會同時間我

發佈時間: 2021/01/28

近年由賤男洗底變慈父的張致恒(Steven),昨日遭女藝人Naomi(馮鎵瀠)在社交網公開追債,Naomi質疑男方有錢請工人兼換電器,卻借錢唔還超過一年。Steven昨午發文求饒,強調工人是兩年前聘請,新電器只是用儲分換取,又說:「嚟緊我會盡力去工作還錢畀你哋!」

張致恒前年迎娶女粉絲雯雯後,雯雯先後誕下張天寶、張天牧兩子,一家四口樂也融融。不過,日前雯雯在IG發文狂呻,自爆買電器後,老公不肯叫工人到村口幫手搬回家中,又暗寸Steven對家中大小事闊佬懶理。

自揭疫情下多次失業

及後,藝人Naomi在社交網爆大鑊,揶揄有藝人有錢請工人及買電器,卻遲遲不還錢,據知她借了五位數給Steven,又刻意在IG限時動態tag男方追債︰「張致恒,你係唔係諗住唔還錢?你講過分期還?年半有多,一毫子都無還過畀我,之前仲unfollow我IG。」盛傳Steven無論在婚前婚後也不停問身邊友人借錢解財困,受害者包括關智斌、鄭希怡、林盛斌等,有指「街數」高達六位數字。

昨午,Steven在IG發文向各位債主致歉︰「早喺一年多前,因為自己做錯嘅事而令到自己嘅工作完全停頓,嗰陣時完全無收入,迫於無奈下問咗好多朋友借錢,亦都好感恩有好多朋友出手相助,先捱得過一段時間,我試過搵過好多工,做過好多唔同嘅行業,因為疫情影響下被炒過好多次!」他強調曾努力工作搵錢︰「依家嘅路實在太難行,工作完嘅收入都唔夠屋企開支,想剩少少錢還畀朋友都唔得,令好多朋友好唔開心,我喺度同所有借過錢畀我嘅朋友道歉,一直以來我都還唔到錢畀你哋,真係對唔住,嚟緊嘅日子我一定會盡力去工作還錢畀你哋!」

照顧一家四口壓力大

Steven又反擊「大花筒」指控︰「工人係兩年前已經請嘅,我老婆所講嘅電器,都係用電話儲落嚟嘅積分換,兩個仔着嘅都唔係名牌,好多佢哋嘅玩具同衣服,都係佢哋阿婆同朋友買。至於點解唔搬返觀塘住,係因為阿爸阿媽嗰度係屋邨,我哋有三隻狗,屋邨唔畀養狗。老婆養呢三隻狗都已經五年以上,所以如果要搬返去住,就唔可以養佢哋,先搵咗村屋住!」Steven乘機狂呻照顧家庭壓力大︰「我亦都好努力去重新做人,只係希望大家可以畀啲機會同時間我,我一定唔會再令大家失望!」不過,昨日雯雯忽然清空自己及兩個囝囝的IG,未知是避開是非,還是對Steven「劣行」忍無可忍。

撰文︰Steven

編輯︰李潔盈

美術︰梁政敏

被爆借錢唔還 Po文呻入不敷支 張致恒認衰︰大家畀啲機會同時間我

Steven與雯雯奉子成婚後,經常在IG發布親子相,塑造「顧家好男人」形象。(資料圖片)

被爆借錢唔還 Po文呻入不敷支 張致恒認衰︰大家畀啲機會同時間我

Naomi(中)鬧爆Steven至今一毫子也沒有歸還,認真無賴。(資料圖片)

被爆借錢唔還 Po文呻入不敷支 張致恒認衰︰大家畀啲機會同時間我

Steven聲稱為愛犬才堅持住村屋,否認自己是「大花筒」。(資料圖片)

被爆借錢唔還 Po文呻入不敷支 張致恒認衰︰大家畀啲機會同時間我

Steven前年在內地拍網劇《仙書奇譚》,可惜播出後反應一般。(微博截圖)