【聲明】港生活網站並無進行電話推廣活動

江嘉敏致肥元兇係男友

發佈時間: 2021/01/28

江嘉敏早前被拍到跟電競公司高層男友Anthony行街睇婚戒,令人懷疑好事近,昨日江嘉敏出席新劇活動,連聲否認有喜事:「其實當日係同媽咪、男朋友一齊行街,我哋都無睇首飾,只睇手袋同衫。我哋無咁快結婚,仲忙緊拍劇,有喜訊會通知大家。」媽咪有否乘機向Anthony催婚?江嘉敏笑說:「無喎!媽咪好錫佢同好鍾意佢,無暗示任何說話畀佢聽。」

早前江嘉敏穿貼身晚裝出席台慶頒獎禮,被指身形脹爆,她笑說:「唔介意,我知拍劇係要瘦啲,已經開始節食、食健康餐同做運動,好開心有同事話我瘦咗,證明努力無白費。」她笑言曾有網民問她是否懷孕:「絕對唔係大肚,不過真係有肉地,所以我會揀適合自己身形嘅衫,今次拍劇我揀晒黑色衫!」江嘉敏搞笑指男友正是她致肥的罪魁禍首,更乘機曬恩愛:「有時我好夜收工,隨口話有啲餓,男友就煮麵畀我食,唔食又唔係咁好,所以搞成咁,依家要忍口囉。」

攝影:林良明

江嘉敏致肥元兇係男友

江嘉敏與男友Anthony經常在網上放閃。(IG圖片)