方力申Dry爆6年冇拍拖 小儀推介交友App小方咁樣答...

阮小儀主持香港開電視節目《小儀與13型男》，讓她每星期「攞正牌」和圈中型男拍拖，最新一集便與感情生活Dry近6年的方力申約會！

小方熱愛運動有「陽光型男」之稱，小儀投其所好一齊玩TRX（懸吊式阻抗訓練）。藉著運動過程，小儀零距離親近小方，不惜使出一招「女下男上」的親密姿勢，一嚐「女朋友視角」！

{{hket:inline-image name="42.JPG"}}{{/hket:inline-image}}

小儀在節目中和方力申做「一日情侶」。(圖片:大會提供)

{{hket:inline-image name="40.jpg"}}{{/hket:inline-image}}

小儀、方力申感情生活空白多年 ，兩人如何「脫Dry」呢？(圖片:大會提供)

剩女小儀與型男關智斌拖手遊樂園 嘴對嘴食冬甩小儀嗒糖嗌好挑逗 【下一頁】

小儀表示：「同小方識咗咁多年，喺鏡頭前有冇試過咁親密？係少啲嘅。就算拍戲，導演都唔會要我哋做情侶啦！呢啲親密動作都係即興諗，小方佢又唔介意嘅，純粹佢信我、我又信佢，係一種友情Moment，感覺好有趣！」她還專程為小方Show舞功，大跳韓國人氣女團BLACKPINK舞步，實在嚇到小方目瞪口呆，在鏡頭前食晒螺絲問小儀，「你係好有誠意，但點解......點解要跳舞呀？」此話一出全場爆笑！

小方自2016年和鄧麗欣分手，至今未有新戀情，反觀女方3年前公開和台灣型男邱勝翊（王子）譜「姊弟戀」。良久未找到「真命天女」，小方稱自己運動員出身，最大缺點就是要求太高，「好自然喺咁嘅情況下會同女朋友講『差啲喎』，所以最後換嚟嘅效果都係唔理想。」

小方表示自己擇偶條件首選性格隨和，他在節目中不時強調單身多時，又指疫情下更難認識新朋友。小儀介紹他玩交友App，小方即時好大反應，「你玩我咩？App要擺自己張相出嚟，記者咪知囉！」自認是守舊派，「我好Old School，讀書時係泳隊代表，喺泳界好多家長都識我，佢哋就等於『狗仔隊』，嗰時拍拖都已經喺地下情。到我入娛樂圈時，亦係『狗仔隊』最旺盛嘅時期，我繼續地下情……自己習慣咗喺呢件事上好緊張，就算而家對某個女仔有好感，都唔敢約食飯，覺得一約出嚟就會畀人覺得『出擊』咁！」自覺最大缺點是拍拖時過於理智。

（↓點擊圖片放大↓）

撰文：衛紫敏

《陀槍師姐》︳滕麗名一個陳三元演足23年 軍裝女警升呢警司棄舊愛戀陳豪 【下一頁】