陀槍師姐2021｜「Hang基」關曜儁曾考3次藝訓班 曾被嫌肥發奮狂操變星級健身教練

《陀槍師姐2021》昨晚播出第三集，情節都落在華Dee (羅子溢飾) 與Hang基 (關曜儁飾) 身上。提到Hang基為上位不惜接下暗殺Danny仔 (鄭俊弘飾) 的任務，結果反而是華Dee抽中生死籌要執行任務。Hang基後悔連累兄弟，便找老大求情，卻被毒打一頓！

{{hket:inline-image name="kwan2.png"}}{{/hket:inline-image}}

陀槍師姐2021│《降魔的2.0》同款型男踩場客串 首播網友一致好評讚驚喜又搞笑 【下一頁】

飾演Hang基的關曜儁 (原名關梓陽) 有不少戲份，是最有發揮的一次。關曜儁在接受本報訪問時坦言︰「當時方駿釗監製打電話嚟叫我做，自己收到劇本後十分興奮！角色唔錯，但唔知原來咁重戲份，係去到圍讀嗰時先知！」

{{hket:inline-image name="142157039_1330693173957562_8211799313274367517_n.jpg"}}{{/hket:inline-image}}

關曜儁指︰「Hang基呢個人物個性好簡單，energy好大，一係好開心，一係就好唔開心。因為有好多場口都好好笑，但突然要變認真嗰吓，情緒轉換、高低有啲難掌握。自己作為新人，要努力練習進修！」他又指看了好多電影做功課，又搵戲劇老師詹瑞文排戲，「我參考咗張家輝，唔知大家覺唔覺得Hang基有佢一時認真又忽然搞笑嘅影子？子溢叫我睇幾套戲參考，我哋又試咗唔同演繹方法，慢慢再修正，最後就變咗Hang基呢個角色。」

（↓點擊圖片放大↓）

27歲的關曜儁於2015年就讀TVB藝員訓練班，其實在此之前他考過兩次訓練班都失敗。「前後考咗三次，2012年同2013年都有考，因為2014年無推出課程，到2015年先入讀到！2012年第一次面試，我喺報名表『技能』一欄填跳舞，評判就問『點解你身形咁肥？唔似跳開舞』。最後落選咗，咁嗰時自己覺得因為肥先入唔到，就去咗舞台劇劇團做幕後。」

{{hket:inline-image name="34797014_490087224755429_2147344770232483840_n.jpg"}}{{/hket:inline-image}}

塞翁失馬，焉知非福。當時入唔到TVB，因為這個契機才做到健身教練，「當時返工識咗個朋友係健身教練，嗰陣人工得5,000蚊，我同佢講話畀一半人工佢教我健身。一個月2,000幾蚊上8-10堂，最後就改變咗身形！」2013年他仍考不進訓練班，不過操到好fit的他在朋友鼓勵下考取了教練牌，踏上健身教練之路。

另外，前年他與人夾份開健身餐廳，去年在疫情之下無奈結束營業，「而家同朋友夾錢開健身室，做相熟學生生意及培訓新教練，規模細咗好多。」

（↓點擊圖片放大↓）

身為健身教練的關曜儁坦言有個願望，「而家做咗7年教練，好想推廣全民運動，幫健身界出一分力！鼓勵多啲人做運動，心境都開朗啲。除咗physical fitness之外，mental fitness都好緊要！」 

陀槍師姐2021｜宣萱被韋家雄挾持再刷新紀錄 「人質王」不死皆因有主角光環？ 【下一頁】