預測娛樂圈牛年運程 麥玲玲：香港電影界谷底反彈

堪輿學家麥玲玲因「神預測」內地女星鄭爽有桃花劫，而被內地網民追捧。昨日麥玲玲與蘇皓兒出席商場新春活動時，預測牛年香港電影圈谷底反彈，娛樂圈將會喜事重重。

麥玲玲早前在內地節目中，批中鄭爽婚姻差有桃花劫，鄭爽更被大爆代孕及有意棄養孩子的醜聞。麥玲玲昨日說：「咁啱啫，其實我都預測Angelababy（楊穎）同黃曉明，兩條蛇（蛇年出生）相處難，會互咬。」她指二人屬於高風險夫妻，要辛苦經營關係。

麥玲玲批算牛年香港娛圈喜事多，有不少結婚生仔的喜訊：「市道好返啲，因為有財星運，電影圈喺牛年會谷底反彈，好過今年。」另外，近日有網友討論麥玲玲的少女照，她笑說：「我有問老公係咪佢擺上網。」年過50的她多年來樣子變化不大，她說：「我細個時個樣有啲老，愈大愈後生，19歲坐的士，司機問我有無30歲，激死我！Bob（林盛斌）仲以為我依家係40幾歲㖭！」不少網民驚訝她身材好，據知擁有38G上圍的她說：「細細個同人傾偈，個個都望住我心口講嘢。」

蘇皓兒不想拍拖

同場的蘇皓兒被麥玲玲批算牛年桃花旺，有機會跟年紀差距大的男士交往，但結婚生子仍未是時候。現年26歲的蘇皓兒說：「唔介意年紀，最緊要心智成熟少少，我依家無拍拖亦無人追，諗住30歲先拍拖。」

採訪︰Pauline

攝影︰林良明

編輯：李潔盈

美術：顏玉玲