婚後首個生日 袁文傑獲《愛．回家》仝人驚喜賀壽

袁文傑去年與拍拖多年的張潔蓮（Jackeline）拉埋天窗，袁文傑昨日首次以人夫身份過生日，正趕拍《愛．回家之開心速遞》的他，獲劇中女友「熊尚善」滕麗名等準備生日蛋糕驚喜賀壽。踏入52歲的袁文傑，只望與太太簡單開心生活便滿足。

袁文傑昨日在工作中度過生日，《愛．回家》一眾演員特地為他準備驚喜。原來眾人在熊家場景拍攝時，「熊尚善」滕麗名神神秘秘躲在一旁點蠟燭，然後與熊家上下一起唱生日歌，令「潮偉」袁文傑非常開心，他留言說：「實在太驚喜了，感謝阿滕一早預備的蛋糕！」

袁文傑接受本報訪問，笑言生日全日都要開工：「朝早拍《愛．回家》，夜晚仲要開工，得中間幾個鐘空檔，可以同老婆一齊食飯。每年過生日都無特別慶祝，反而Jackeline會安排好，其實一齊簡簡單單食飯已經好開心。生日願望希望疫情快啲過去，市面回復正常。」

農曆年將至，袁文傑與太太首年派利是，他笑說：「今年會少咗𢭃利是機會，不過派都開心嘅，我哋都好期待婚後第一個新年。」他踢爆老婆唔慣做袁太：「有時同佢一齊去街，途人見到我哋會打招呼，嗌我哋『袁生袁太』，Jackeline就會話『佢叫我袁太！』其實好開心嘅。」

笑張潔蓮唔慣做袁太

談到正拍攝另一新劇《黯夜守護者》（暫名），袁文傑透露與「亞視之友」陳煒演情侶：「我個角色係凡事以煒哥為先，我哋關係一直幾好，唔激情但無風無浪。我個角色明明係好男人，但煒哥偏偏唔答應嫁畀我，直到我喺上海發生咗啲事，返香港後同佢嘅關係就變差。」

採訪︰Pauline

攝影︰林良明（部分）

編輯：李潔盈

美術：梁政敏