結婚5周年│Patrick Sir愛的宣言冧爆嬌妻 懷孕關宛珊炮製九大簋賀木婚

無綫皇牌主持人之一林溥來（Patrick Sir）備受重用，為不少大騷擔任司儀。近日在周末播出的節目《尋找家香味》更是由他和陳貝兒擔任主持，訪問長期居港的外籍人士，故事相當有趣。而且Patrick Sir去年開始拍劇，現在正忙於拍攝《白色強人II》，事業如魚得水，家庭生活亦非常美滿，早前公布太太關宛珊懷孕的喜訊，快做爸爸，人逢喜事精神爽！

流行經典50年│Patrick Sir同大肚老婆亮相唱情歌 關宛珊屁股大 醫生勸順產唔好嘥【下一頁】

{{hket:inline-image name="28336125_2020257081347613_7504238938434150879_o.jpg"}}{{/hket:inline-image}}

昨日Patrick Sir和太太關宛珊迎來結婚五周年紀念的大日子，由於新冠肺炎疫情的關係，加上限聚令和晚上食肆禁止堂食，一家四口包括愛犬Don Don同腹中BB決定留在家煮飯仔慶祝。「廚神老婆」的關宛珊懷孕6個多月腹大便便，仍用心炮製晚餐，有龍蝦、牛扒、意粉和八爪魚，看上去非常美味，Patrick Sir實在太有口福喇！

Patrick Sir上載5年前的結婚相，郎才女貌畫面完美，他留言：「親愛的靚靚老婆，結婚5周年快樂！真係難以置信，如果唔係今日個Calendar（日曆）話我知，我以為同你結咗婚一年咋！每日見到你，同你傾偈、同你講笑，所有感覺仲好似拍緊拖咁。喺今日咁重要嘅日子，肉麻啲都要同你講：慶幸遇上純真的你，給我幸福、快樂！Love you forever！」嘩，Patrick Sir果然係高才生，每一字一句都冧到爆，連老婆都忍不住轉發說：「在心中啦肉麻佬……」

（↓點擊圖片放大↓）

Boxing Day報喜│Patrick Sir公布太太佗仔5個月 關宛珊：去邊都帶2個電燈膽【下一頁】

不少網友都大讚Patrick Sir係暖男，太太關宛珊好幸福，更有不少女士硬Tag自己另一半，要求另一半好好向Patrick Sir學習，如何氹女友或者太太開心。Patrick Sir你會唔會擔心成為香港男士的公敵呀？

（↓點擊圖片放大↓）

責任編輯：楊安莉