《陀槍師姐2021》滕麗名「點名」與黃美棋續母女緣 爆老公唔「捧場」：覺得接受唔到

《陀槍師姐》系列前四輯都深受觀眾喜愛，堪稱TVB經典劇集之一。在近日播出的《陀槍師姐2021》中，做足四輯的舊班底就只得滕麗名、朱咪咪和李成昌三人，而第三輯開始演滕麗名囡囡「程莎莎」的黃美棋，今次相隔17年後以大學生身份再登場。45歲的滕麗名保養得宜，同黃美棋拍埋一齊似姊妹多過似母女，而事實上兩人的年齡只差13歲！

{{hket:inline-image name="vds.png"}}{{/hket:inline-image}}

滕麗名與黃美棋日前接受娛樂新聞台訪問，主持問到阿滕今次是否欽點美棋再度演其女兒，阿滕就指：「唔可以話係欽點嘅。因為我都有睇佢主持嘅節目，我覺得如果美棋仲喺呢行發展，不如搵埋佢拍，大家都有記憶喺度。其實佢同細個係一樣樣，個樣完全冇變過！」

{{hket:inline-image name="141425093_114853857213768_4446248784297669544_n.jpg"}}{{/hket:inline-image}}

美棋就表示知道阿滕咁有心後感動到喊：「 我係拍完先知阿滕向監製提議搵番我做，返到屋企就喊，因為呢件事好難得，可以做番經典嘅角色，同埋我好鍾意拍劇。」

（↓點擊圖片放大↓）

兩人都表示拍劇前有重溫舊作，美棋更表示事隔多年，拍劇時怕醜唔敢叫阿滕媽咪，笑言被對方氣勢嚇親及怕叫老對方。提到「二妹姐」朱咪咪亦繼續演三元的母親，阿滕指戲內戲外與咪咪姐都好friend，「佢做咗我咁多輯媽咪，戲內戲外都friend，有講不完嘅話題，無所不談，工作環境好愉快。」

{{hket:inline-image name="51.jpg"}}{{/hket:inline-image}}

陳三元這個角色，除了是阿滕的代表作外，原來也對阿滕影響深遠。「起初拍呢套劇無諗過拍完可以繼續拍續集，而我開拍呢套劇之前嘅性格都唔係咁tough、咁男仔頭。我同陳三元呢個角色互相影響兼一齊成長， 不可分割。」她又指當時無諗過會成為自己的代表作：「是一套特別的警匪片。」

{{hket:inline-image name="vdsv.png"}}{{/hket:inline-image}}

提到《陀槍師姐2021》「陳三元」與《愛回家之開心速遞》「熊尚善」兩個角色，阿滕表示兩個角色都唔似本人，「我老公係完全唔會睇我拍劇，原因係因為個difference好大，覺得我怪怪的。而我朋友都盡量唔睇，佢哋會覺得角色同我平時唔同。」不過阿滕就指好想老公睇，「但逼唔到，佢接受唔到difference ！」

（↓點擊圖片放大↓）