林建名追思會丨胡楓讚60年老友「宅心仁厚」 懷緬齊齊開P「玩到唔識返屋企」

人稱「大少」的大名娛樂老闆林建名，本月8日因淋巴癌在養和醫院病逝，享年84歲。大少日前低調出殯，今日於香港殯儀館舉行追思會。大少家人在3點半左右到場打點，靈堂布置簡潔清雅，遺照兩旁擺滿白色鮮花。靈前則放上由4名子女林煒珊、林煒琦、林煒珽和林孝信聯名的送上的心型花籃，以表孝心。

{{hket:inline-image name="20210129_140907a.jpg"}}{{/hket:inline-image}}

{{hket:inline-image name="BA5FDF58-C1DB-47FA-AD8E-4D36437B59BE.jpeg"}}{{/hket:inline-image}}

林建名生前在各界都人緣甚佳，不少藝人及名人都有送上花牌悼念，包括古天樂、劉德華、張學友、黎明、成龍、譚詠麟、黃百鳴、陳慧嫻、林子祥夫婦等。歌神許冠傑及部份名人藝人雖然未能出席這次追思會，但非常有心預先拍下短片對林建名博士作最後告別，其他包括：古天樂、林子祥及林德信、余錦基、黃百鳴、劉坤銘、陳百祥、周秀娜、胡楓、羅蘭、文雪兒、太極、草蜢蔡一智、葉世榮、孫敬安及盧敏兒、黃智雯、王馨平、錢嘉樂、麥潔文、區瑞強等等。

（↓點擊圖片放大↓）

與林建名相識60多年的老友胡楓分享二人相處點滴，「後生時經常玩埋一齊，一齊去遊船河、開party、去游水……真係玩到夜媽媽都唔識返屋企。到年紀大咗都仲係好朋友，佢年年生日我都有到，雖然要不醉無歸，我唔飲酒，不過都玩得非常高興。雖然佢遊戲人生，不過佢宅心人厚，時時做善事、做公益。」胡楓指唔少對大少嘅離世都感到非常哀傷，表示想與對方的友誼延續到下世，又希望大少的家人節哀順變。

{{hket:inline-image name="1.jpg"}}{{/hket:inline-image}}

追思會最後以許冠傑自彈自唱《這一曲送給您》的片段作結。林建名博士雖然已離逝，但他熱愛家庭，關心國家社會，樂善好施，熱心公益的精神，開心大少將會長留大家心中美好回憶。

煒珊與煒珽約下午四時半見傳媒，一度眼紅哽咽，泣不成聲。煒珊形容爸爸是樂善好施、公益服務貢獻良多：「好正氣，好重於朋友，相識滿天下，所以呢次都有咁多朋友喺疫情下出嚟，我哋四兄弟姊妹都好感激大家嚟作最後一個道別。」煒珊希望可以將大少的正能量傳承：「唔好傷感送別佢，會記得爸爸係一位開心大少。」她亦透露大少將會安葬在家族墓園。

煒珊指今日有4百幾個花圈送到，因為疫情關係，暫時不知有多少賓客將到場，煒珊講到亡父遺照，她解釋爸爸林建名生前喜歡這張相：「因為覺得好似食到好肥咁，食得好好，瘦咗影相，佢反而唔係好鍾意。」

（↓點擊圖片放大↓）

胡渭康為契爺林建名的追思會擔任司儀，他跟戴夢夢於下午5點左右到樓下見傳媒，戴夢夢指在契爺林建名彌留時有跟契爺視像通話，唱了一首歌《朋友》給他聽，戴夢夢突然眼泛淚光續道：「佢應該聽到，因為佢好鍾意音樂，又鍾意聽歌，佢應該收到，呢首歌喺佢生日嗰陣都唱過畀佢聽。」胡渭康指自己有一個習慣：「就係借林生名義去捐錢，因為佢咩都有，不過佢未必有時間去照顧咁多人，我除咗捐錢，又會喺我同佢生日嘅日子，用林生個名去請老人家食飯。」講到大名娛樂將來運作，戴夢夢表示要把林生精神一直延續下去，胡渭康說：「聽到好多行家嚟緊搞音樂會，都會留返一張凳畀林生，因為林生真係對娛樂界貢獻良多。

{{hket:inline-image name="B55E9AC6-DA2B-4436-9708-8D520C5F8044.jpeg"}}{{/hket:inline-image}}

{{hket:inline-image name="Pho.jpg"}}{{/hket:inline-image}}