李思雅愛犬剝17隻牙後完全失明 網民質疑下錯決定:惟有相信醫生

2005年落選港姐李思雅日前喺佢嘅社交平台「控訴」一間動物醫院令到佢狗狗失明，更指呢間動物醫院曾經被《東張西望》報道過，係間搶錢同醫死狗嘅醫院。

{{hket:inline-image name="142698047_3473755839402005_7149821589889387463_n.jpg"}}{{/hket:inline-image}}

李思雅呼籲動物主人注意，唔好帶小毛孩去元朗區某動物醫院，因為近日佢帶愛犬去睇牙中招：「本來以為小事，點知個醫生又話佢腎有事，要留院吊鹽水，又要我喺佢醫院買一堆配方糧，又話佢可能要剝牙，總之未剝牙就已經要你洗一筆錢，之後剝牙再逐隻計！」

{{hket:inline-image name="142860664_885368505554292_6545384479291588049_n.jpg"}}{{/hket:inline-image}}

佢指醫生刻意喺狗狗全身麻醉之後先同佢講要剝幾多隻牙：「佢完全唔肯答我，只係話一定要洗咗牙先決定到，狗狗洗牙要全身麻醉，麻醉咗隻狗狗佢要我即時決定要幫佢剝17隻牙，又話有啲人就係嫌貴唔捨得剝咁多隻，搞到之後又要再麻醉隻狗多一次，即係辛苦多一次，咁我惟有相信醫生，剝咗17隻牙只係剩番4隻，仲要呢4隻牙都係上顎，下顎冇晒牙，咁點食嘢。」

（↓慎入！點擊圖片放大睇17隻血牙↓）

最慘嘅係狗狗喺手術之後雙眼完全失明，李思雅指自己詢問過好多醫學界朋友，好大機會係因為狗狗一次過剝17隻牙，失血過多，體溫太低，導致眼嘅神經視網膜受損而盲！

有網民質疑佢都有好大責任，下錯決定同意剝17隻牙大鬧佢「一個決定害死隻狗」，李思雅亦非常內疚自己冇去多幾間醫院查詢：「我嘅出發點只係為隻狗好！但我不是醫生，當時那刻那麼緊急要作決定，我沒理由相信自己而不相信醫生！我也很難過作出這個決定而得來的後果！」李思雅指狗狗而家都好唔開心，自己一定會更加愛錫佢。

圖片來源：Instagram