【聲明】港生活網站並無進行電話推廣活動

慶祝生日記錯年齡 孕傻吳若希幫老公「報細數」

發佈時間: 2021/02/01

吳若希(Jinny)的老公何兆鴻(Alex)前日35歲生日,去年尾誕下細仔後專心相夫教子的Jinny特別為老公慶祝,不過大懵的她竟然記錯老公歲數,事後被Alex在社交網「公審」,曝光兩公婆的對話內容,認真搞笑。

吳若希與老公Alex本身育有三歲多的大女淼淼,去年11月再誕下細仔Kylian,組成四口幸福之家。前日是Alex的35歲生日,經常在社交網「公審」老公的Jinny,不知是否中了坊間「一孕傻三年」的傳說,竟然記錯老公歲數。

Alex這次難得捉住Jinny「痛腳」,立即在社交網上載插上「34」蠟燭的生日蛋糕照片,搞笑留言說:「好老婆系列︰當老婆攞個蛋糕出嚟嘅時候,我問點解唔係35嘅?老婆︰『35咩?我明明計2020係34』,我︰『依家係2021喎』,老婆︰『34+1,所以個蛋糕就變咗34+1』。我愛你呀老婆#可唔可以比番個+號我?」

減肥成功即呃Like

事後有網民留言支持Jinny,「勸喻」Alex說:「唔好咁多要求啦!小心出年無得食」、「湊兩個好忙,仲記得你生日算係咁」。另外,Jinny近日努力運動瘦身,她日前po出穿上運動裝、露出小蠻腰的相片,明顯減肥有成績。不過她留言說︰「發現沒有一種運動不辛苦~跑步又悶又凍,瑜伽平衡唔到,跳舞啲筋又硬。媽咪呀,做人可唔可以唔好咁辛苦?#人生#呻完繼續做。」陳煒留言大讚她︰「瘦晒啦。」Jinny回覆說︰「其實post相都係為咗呃你呢句。」

撰文︰倪小珊

編輯︰李潔盈

美術︰梁政敏

慶祝生日記錯年齡 孕傻吳若希幫老公「報細數」

Alex展示「34」蠟燭踢爆老婆「無心肝」。(IG圖片)

慶祝生日記錯年齡 孕傻吳若希幫老公「報細數」

呻肥的吳若希現時已瘦了不少。(IG圖片)