女神殺手︱陳偉霆教拍拖要訣「讓對方更愛你」 周揚青為伴侶敞開心扉都唔啱？

內地真人騷《潮流合夥人2》由陳偉霆（William）擔任店舖「主理人」，與羅志祥前女友周揚青、歐陽娜娜、范丞丞、劉雨昕，5人攜手喺成都經營潮店。節目開拍以嚟一直話題不斷，5人嘅真實相處情況都令到觀眾對各人加咗唔少分。

{{hket:inline-image name="007TTPfyly1gn5j1uyu6vj31111jkhdt.jpg"}}{{/hket:inline-image}}

最新一集中，周揚青同William講起愛情觀，引嚟唔少網民討論。William以「大師兄」嘅身分同大家分享佢認為兩個人拍拖嘅要訣，認為最重要係保持新鮮感，對伴侶要「有時候緊，有時候鬆」，每日都搵啲新鮮事做；第二，佢認為要為彼此留有空間，「有時候可以很親近，但有時候要給空間自己，也有空間給另一半。一旦分手的時候，不會這麼傷心」；第三佢表示要提升自我價值，「有自己的目標，自己的事業，分手的時候就不會覺得自己甚麼都沒有，那對於男人來說，是吸引的。」

{{hket:inline-image name="007TTPfyly1gn3d825sk6j3223334hdt.jpg"}}{{/hket:inline-image}}

周揚青就表示，如果自己拍拖，佢會將自己嘅心扉全部敞開，結果即刻畀William糾正佢咁做係唔啱！William表示，戀愛過程中，唔可以為對方傾出所有，「你可以百分之百愛對方，但是你的行為不能超過五十，要保留多於六十給自己，如果你愛自己的話，他會更愛你，因為你懂得愛自己。」William解釋，有啲男人唔鍾意負太大責任，一嚟你就付出100%會令對方有壓力；再加上唔珍惜自己，對方亦都唔會珍惜你，更同周揚青講，「譬如說你，永遠都是你去找他不行，他也得要來找你。」

（↓點擊圖片放大睇 William金句↓）

唔少人都話聽到周揚青咁講之後，即刻聯想到佢嘅偷食前度羅志祥，又大讚William嘅教路實用，希望周揚青真係學到嘢咁話！又有網民話睇完William對愛情觀嘅詮釋，覺得佢嘅心思真係非常細膩、溫柔，好想同佢談戀愛呀！又有人話睇嚟William係受過傷先至會有「多麼痛的領悟」！

睇番同「愛情專家」William拍過拖、傳過緋聞嘅個個都係女神級，分別有Angelababy、蔡卓妍、趙麗穎、迪麗熱巴同巴西索模Bruna……唔知又係邊個令到William有咁深刻嘅體會呢？